يجراح يجراح ..... علي اشحاله يجراح

لفه الجراح حيدر شيعته اتنشده ..... تگله يالأجيت الحيدر اتضمده

ننشدك و الجواب انريدك اترده ..... علي الماجان فارس يوصل الحده

علي القاتل أحزاب أهل الشرك وحده ..... لجل دين الرساله الصارم امجرده

علي الكل الخصال اتجمعت عنده ..... علي الأدرك الهادي بساعة الشده

العجب ابن المرادي اعليه يتعده ..... ينام اعله الوساده و ضربته اتضهده

وسف طاح .... وسف طاح .... جبل عزنه ..... وسف طاح

يجراح الشفت بعيونك اصوابه ..... ننشدك و الدموع انهار سجابه

نعاتب و الگلب ما يخلص اعتابه ..... علي الجانت رجال الموزمه اتهابه

الفقار بيمنته و ما والف اقرابه ..... علي الطب الحصن خيبر قلع بابه

علي الكمّل الدين و شيّد أطنابه ..... رف راية الباري و فسّر اكتابه

وسافه بالغدر سيف الحقد صابه ..... وحش مظلم بقه بهالليله محرابه

فزت صاح ..... فزت صاح .... و حق ربي ..... فزت صاح

بكَينا الموعدك تشبح نواظرنه ..... تنينه و ننتظر منك تبشرنه

يجراح بوضع حيدر دخبرنه ..... تمنينه بأمل من عندك تخبرنه

سكوتك و الدمع هو اللي امحيرنه ..... علي الگبل الندب بعازه يحضرنه

لون عنه ارتحل گلي اشيصبرنه ..... يجراح الدهر ما صدق ايسرنه

يريد ابغيبته الوالي يمرمرنه ..... وكت عيد الفطر يكسر خواطرنه

الحزن لاح ..... الحزن لاح .... أظن جَنّه ..... الحزن لاح

بگه الجراح حاير دمعه يتجاره ..... يشوف اولاد حيدر كلها و انصاره

اجته اتناشده و تتسمع أخباره ..... يجاوب و الگلب تسعر غدت ناره

جرح حيدر غميج و يكلف ازراره ..... و لا منه يطيب و تلتم أكتاره

راسم بالوصي هالبانت آثاره ..... و بعد هاي المسيه ايغيب عن داره

وسف راح الذي ينشد على جاره ..... عگب عينه يتامه الشيعه محتاره

بجه وناح ..... بجه وناح .... الوحي الفگده ..... بجه وناح