جينه لرض النجف ودخلناها بقعه من جنه عدن شفناها

هذي ارض النجف مركز للعلم ماتجد بيها سوى الحر والشهم

ذخر جاعلها الآله وطلع اسم بيها اسرار الخلق اخفاها

النجف قاعي وموطن احبابي وهلي شلون بقعه وبيها كل هم ينجلي

فخر يكفيها حتوت مرقد علي اعني ليث الكون ووارث طه

فارقتها وطلعت عنها غصب وتركت بيها مهجتى والقلب

رغم الاعوام العشتها بالغرب لحظه ماكان الفكر ينساها

من بعد غيبه طويله اليوم اجيت مو على اجدامي على عيوني مشيت

ارسمت آمالي ويا كل خطوه خطيت فرصه من سنين جنت ادناها

ادخلت مرقد علي ودلالي كسير وبمدامع صوتي احجي وياالامير

صدق آنه واقف بصحن الامير شلون وقفه المَلك يتمناها

كنت من دار الغرب اعتب واقول شلون تقبلها يبن عم الرسول

شبون تقبل الفرقه عالعاشق تطول والجفن دمعه حزن اجراها

يالقلت يايوم اشوف اعتابك ياعلي ومشتاق اشم ترابك

بالفرح جيت ووقفت ببابك حققت كل ماجنت ارجاها