قد أقسمَ ربك بالعصرِ ... إن الإنسانَ لفي خسرِ

كلٌ يخسر ... يومَ المحشر

و الفوزُ لشيعةِ حيدر

يا السامع إلك نكشف حقايق تحمل الواقع

و لمن تسمع المضمون لا تعتجب يا السامع

نريدك تفهم الحاله ابحكم تفكيرك الواسع

عن شخصية الكرار ادرس و ابحث و تابع

حيدر ما يريد الناس تمدح شخصه و اتدافع

حيدر هذا تاريخه مثل نور الشمس ناصع

دونك آياتُ التزيلِ ... في التوارةِ و الإنجيلِ

فضلٌ يُذكر ... يومَ المحشر

و الفوزُ لشيعةِ حيدر

حيدر بالعلم للناس رايد يغرس البدره

نتأسف عله الوادم الجانت عايشه ابعصره

و لمن صاح اسألوني عن هالعالم و سره

وسفه الفرصه ضيعوها و جهلوا حيدر و قدره

و عن هالمجتمع شتقول من يا زاويه اتنظره

جهل لو حسد لو إجحاف هالمنطق اشتعتبره

العالمُ جهراً سينادي ... بابُ مدينةِ علم الهادي

بحرٌ يزخر ... يومَ المحشر

و الفوزُ لشيعةِ حيدر

انجهل فضل الوصي الكرار بين أجلاف مرتده

و ابدافع حسدهم طاح صريع ابموضع السجده

و ظنوا ينخمد نوره حين اتوسد ابلحده

ولاجن ظلت أنواره طول الدهر ممتده

و حيدر ما تهمه الناس و لو كلها صفت ضده

ابتقدير الأمم حيدر أمه ينجعل وحده

أعوامٌ تتبع أعواما ... وعليٌ نورٌ يتساما

و بهِ نؤجر ... يومَ المحشر

و الفوزُ لشيعةِ حيدر

أريد أشرح الك نبذه و أريد الواقع اتفهمه

والي الشام من أصدر مرسومه عله الأمه

يطالبها ابشتم حيدر يريد اينكل بإسمه

و أصبح واجب اعله الناس من عالمنبر اتشتمه

و شوف المجد إلمن صار بين المرتضه و خصمه

أميه انتهت و اندثرت و ظل حيدر عله القمه

للعزة نورٌ يتجسد ... ما بينَ عليٍ و محمد

سرٌ يظهر ... يومَ المحشر

و الفوزُ لشيعةِ حيدر

و عن دولة بني العباس نوضع عالنقاط احروف

دولة اتأسست عالجور لا إصلاح لا معروف

وقفوا ضد نهج حيدر و شهروا عله العتره اسيوف

و كلمن للوصي ايوالي ألوان العذاب ايشوف

انتهت دولتهم و راحت و راح الظلم راح الخوف

و ظل خالد علي الها اليوم ابحبه كل قلب مشغوف

يسطعُ في الأكوان سناهُ ... لا يعرف دينٌ لولاهُ

و هو المصدر ... يومَ المحشر

و الفوزُ لشيعةِ حيدر

الدنيه تنقضي و اتزول و بالمحشر يصير احساب

و ما تنفعنه لا أموال لا أولاد لا أصحاب

و لو رادوا ينشدونه نحضر للسؤال اجواب

احنه اللي فاض دمه ابساحة المحراب

و نترجه الشفاعه اهناك من الوصي داحي الباب

و اليتمسك ابحيدر دنيه و آخره ما خاب

و ستشخص كل الأبصارِ ... لقسيم الجنة و النارِ

ساقي الكوثر ... يومَ المحشر

و الفوزُ لشيعةِ حيدر