يا علي بايعناك... و انت والينه ... عل الفطره حبيناك... و انت والينه

و من جنه بالأصلاب ... نهتف يا داحي الباب

يا با الحسن حبك صعب تفسيره ... مو عاطفه و يمكن سهل تغييره

بالقلب بالدم بالعقل تأثيره ... يا شاعر اليوصل وصف تعبيره

و شيعتك يا كرار ... و انت والينه

لا ما تمسها النار ... و انت والينه

و لو طالت الأسباب ... نهتف يا داحي الباب

يا علي ابحبك دين الباري اتوضح ... و فاز الذي بمحبتك يتسلح

جفتك يوم الحشر هي الترجح ... و الشايعك يدخل الجنه و يربح

و ذوله احنه مفتخرين ... و انت والينه

و بالجنه موعودين ... و انت والينه

و ندخلها بلايا احساب... نهتف يا داحي الباب

برحانه يا با الحسن نادينه ... شيعتك احنه و نعم يا والينه

يمك نشأنه و صرنه و اتربينه ... و ارضعنه من طيبتك و اتغذينه

و ما ننهضم هيهات ... و انت والينه

يا صاحب الكلفات ... و انت والينه

و لو مر علينه امصاب... نهتف يا داحي الباب

يا علي و اقضينه العمر خدامك ... نفرح فرحتك نحزن الأحزانك

و نشرف صبرنه من صبر إيمانك ... تالي ابعدونه بالغرب عدوانك

و اتصوروا ننساك ... و انت والينه

الآخر نفس وياك ... و انت والينه

و كلما ما نشوف إرهاب... نهتف يا داحي الباب

يوم العفتنه يا علي اتيتمنه... و سيف آل اميه ما روه من دمنه

جرح المصاب ابكل قلب يلجمنه ... طول الزمن يا حيدر امؤلمنه

و من يوم الفقدناك ... و انت والينه

و اتخضبت بدماك ... و انت والينه

و من عملت المحراب... نهتف يا داحي الباب

كلما يصلي البشر كلما يركع ... من غير حبك يا علي ما ينفع

و احنه اعله حبك حته لو نتقطع ... لابد يجي يوم الضريحك نرجع

و يمك نطب زوار ... و انت والينه

يا الما ترد خطار ... و انت والينه

و جم قلب مل و انعاب... نهتف يا داحي الباب

الليله يبو محمد نريد انواسيك ... بمصاب أبوك ابها الدموع انعزيك

نرفع لك أصوات العتب و اناديك... ما يرد مهضوم اليحل ابواديك

و موكبنه صاح ابصوت ... وانت والينه

و خلصوا أهلكم موت ... وانت والينه

و شعب العراق انظام ... و ما رحمته الظلام

شجايه مهضومين ننخاك اليوم ... ندري ابضريحك يسر قلب المهضوم

ما تنوصف حالة شعبنه المظلوم ... أطفال و نسه من شدة النار اتحوم

طف كربله قصفوه ... نوحوا يا شيعه

و كل الشعب ذبحوه ... نوحوا يا شيعه

و موطن علي الضرغام... و ما رحمته الظلام