لا ليلي ليل الناس لا تغمض العين تاه الفكر والراي يبني رحت وين

وانه تعبت برباك تدري الربه دين وافيني حگ رباي يا ضنوة حسين

ليلى تنادي ومنين أجيب النوم أنا لعيني

ظليت انا بلا راي وعيوني تربي ضنوتي چانت بيك يا ثمر گلبي

ياوليدي من فرگاك تيّهت دربي وانه تعبت برباك يشهد لي ربي

ليلى تنادي ومنين أجيب النوم أنا لعيني

محتاره بأمري اليوم والدمع فجر ماينطفي الدلال نيرانه تسعر

يابني الصخر لبچاي حن وتفسر ولامن جواب ترد لأمك يالأكبر

ليلى تنادي ومنين أجيب النوم أنا لعيني

لا تنسمع نخواي لا أسمع جواب لا تنطوي يا ليل أرد اعتب عتاب

مظلم عليّ مريت ليش البدر غاب وحشه السهر ياليل بغياب الأحباب

ليلى تنادي ومنين أجيب النوم لعيني

ياوليدي نايم وين دسمع ونيني أمك وانادي عليك شو ما تجيني

ياوليدي شنهو الحال بينك وبيني متحيره وانخاك لاتخليني

ليلى تنادي ومنين أجيب النوم انا لعيني

ياوليدي گلبي إنصاب والدمع همّال جار الزمان وياي وتغير الحال

ياوليدي مادري شلون ضعني تره شال ياهو اليرد نخواي والحمل لو مال

ليلى تنادي ومنين اجيب النوم انا لعيني