جمر امصاب... بالگلب يسعر ... جمر امصاب

بدرك غاب ... يبني يالأكبر ... بدرك غاب

ما يخفاك... أمك و أصيح بگلب مجروح

اشلون أنساك... يا ثمر عمري و زهرة الروح

گلبي اوياك... بيا عين أشوفك يبني مذبوح

الليله بعام ... ما فارگت من بعدك النوح

و الدلال بالهم تكدر ... و الدلال

ويه الأحلام... فكري خيالك يبني مرسوم

گلبي هام... روحي بكت عالمذبح اتحوم

اشلون اتنام... عيني عليها السهر مختوم

الليله بعام... اخلافك بعد ما ضاگت النوم

دمعي ايسيل و الجفن يسهر... دمعي ايسيل

يا مصيوب... إي و الذي خصك بالأنوار

صحت النوب... و اللي اجعلك تشبه المختار

وشجم دوب... أبجي إعله فگدك ليل ونهار

گلبي ايذوب... بين الجوانح تسعر النار

من النوح گلبي تفطر ... من النوح

فكري احتار ... وين أنطي يبني الوجه لاوين

تدري اشصار... روحي و دليلي اسعرت نارين

وش تختار ... نار اعله فگدك يا ضوه العين

ثاني نار ... تطفه و تشب لمصيبة احسين

يالمخضوب من دمه المنحر... يالمخضوب