يا آل سفيان كفى......يا أمة الطغيان

هذا شبيه المصطفى......يا أمة الطغيان

هذا محمد و الله يشهد......الله يشهد هذا محمد

من دارت أفلاك الحومة......طاحت أجساد الأنصار

اتقدم للميدان الأكبر......ثاير و ابﭽفه البتار

لن صرخات احسين اتعالت......يا أصحاب الذل و العار

هذا الأكبر ابني اليحمل......أوصاف الهادي المختار

هل من ضمائر لكم......هل فيكم انسان

يا آل صخر ما لكم......يا أمة الطغيان

هذا محمد و الله يشهد......الله يشهد هذا محمد

و انتم يا أصحاب البيعة......عين الخالق بالمرصاد

اسلام اتحسبون انفسكم......بيكم زهاد و عباد

شنهو اللي غير واقعكم......و ارفعتوا اسيوف الأحقاد

تابعتوا ايزيد و أعوانه......صرتوا ابجبهة ابن ازياد

مهلا فما أصابكم......ما هذه الأضغان

فانتظروا عذابكم......يا أمة الطغيان

هذا محمد و الله يشهد......الله يشهد هذا محمد

مجتمعين ابدرب الباطل......و اتركتوا الحﮒ و عفتوه

هذا ابني اتشوفون الهادي......للأكبر حين اتشوفوه

سليتوا الأسياف ابوجهه......اتريدون الجسمه اتوذروه

لو حاضر جدي ابهالساعة......ناشدت الدمه اتسفكوه

تبا لكم من طغمة......يحدو بها الشيطان

ويل لكم من أمة......يا أمة الطغيان

هذا محمد و الله يشهد.....الله يشهد هذا محمد

من بعد الحجه البلغها......للأكبر راح المظلوم

ضمه الصدره شمه ابنحره......يصرخ يومك يبني اليوم

و الأكبر راح الميدانه.......فرت من بين ايده الﮔوم

اتسلط مثل الطير الجارح......و ابعزمه اعله الصيده ايحوم

يضرب بالمهند......يهتف في الميدان

أين المفر من يدي......يا أمة الطغيان

هذا محمد و الله يشهد.....الله يشهد هذا محمد

شال السيف ابﭽفه اليشبه......جف القالع ذيﭻ الباب

اشما يضرب بيهم ما يسمع......لسيوف العدوان اجواب

ناداهم يا أهل الباطل......وين الصنديد الينهاب

هاليوم السيف ايذكركم......يوم الخندق و الأحتتزاب

ها إنني بحربكم......أقاتل الفرسان

لا أنثني عن ضربكم......يا أمة الطغيان

هذا محمد و الله يشهد.....الله يشهد هذا محمد

أشرار و حاطت بالأكبر......من كل جانب من كل صوب

سيف العبدي صوب راسه......لن طاح الأكبر مصيوب

وجهه اليشبه وجه الهادي......صار ابفيض ( الدم مخضوب)

وحسين ابلهفه تعناله.......ﮔلبه اعله الاكبر منشوب

يهتف و الدمع جرى......اغضبتم الرحمان

قتلتم خير الورى......يا أمة الطغيان

هذا محمد و الله يشهد.....الله يشهد هذا محمد

أصحاب الأوثان انتهكوا......حرمة أصحاب التنزيل

خل نتعنه ذاك المصرع......نسأل و انريد التفصيل

هذا الينزف دم الأكبر......لو دم المختار ايسيل

هذا المرسل طايح بالطف......صورة و ما تقبل تضليل

هذا نبي جسمه......موسد الكثبان

أحل فيكم دمه......يا أمة الطغيان

هذا محمد و الله يشهد.....الله يشهد هذا محمد