أنا ابعالم الذر وياك يحسين إكتبت عهدي

بميلادي إرضعت حبك و بإسمك ألهج ابمهدي

و أول ما بديت أمشي بيه امحبتك تحدي

إكبرت لني أحس جمرات تشب و تنطفي ابجبدي

إنشدت گالوا مصاب حسين إلك نار الحزن يهدي

و بديت أتصور المذبح و دمعتي تحفر إبخدي

صرت من أذكر اجروحك ابدليلي ايظل جرح يدي

إكبرت و الحزن وياي كبر و اتلاوذ ابسدي

عشت طول العمر ما بين حزني و دمعتي ووجدي

لو حان الأجل يحسين و لو موتي گرب وعدي

حزنك يندفن وياي و ينام ابحفرتي و لحدي