أعياد ..ميلاد .. أمجاد ..أجداد

واجب نحتفل بأمجاد قادتنه .... و إنواصل مسيرتها بمسيرتنه

أعياد ..ميلاد .. أمجاد ..أجداد

من فاضل الطينه إغتنم طيبتنه .... خلاق السمه الأبدع إبخلقتنه

و الزمنه بفرض طاعة أئمتنه .... و شرط بقبول هالطاعة مودتنه

للآل .. بأقوال ..و أعمال .. تنهال

لأن هُمّه سبب و أسرار خلقتنه .... و إنواصل مسرتها بمسيرتنه

الخالق ما جعل هالأرض مدحيّه .... و لاسوّه السِما بلا عمد مبنيه

و لا نور القمر و الشمس المضيّه .... إلا لجل أهل العبه القدسيّه

أنوار .. أقمار .. أسرار ..أفكار

لأجل أهل العبه الخيرات غمرتنه .... و إنواصل مسرتها بمسيرتنه

مودتّهم أجر لجهود هادينه .... البذلها من أجل عزة شرف دينه

و سفن حبهم تنّجي فاضل الطينه .... خبر صحيح و يغني تبيينه

بوضوح .. مطروح .. باللوح .. مشروح

أبعاد العلاقه ويه سادتنه .... و إنواصل مسرتها بمسيرتنه

أهل بيت النبوة بشرف عصمتهم .... تسدد بالشدد خطوات شيعتهم

و تنطقنا محبتهم إبحجتهم .... لو حاججنه من ينكر ولايتهم

أبرار ..أحرار .. أنصار .. ثوّار

من ثورتهم امتد جذر ثورتنه .... و إنواصل مسرتها بمسيرتنه

حُجج لله لولاها الأرض ساخت .... بأهلها البالجهالة و بالظلم داخت

مصابيح الهداية البالعلم سارت .... و بضيها سماء الغانمة ازدانت

تنوير .. تفكير .. تفجير .. تحرير

متصله إبعقيدتهم عقيدتنه .... و إنواصل مسرتها بمسيرتنه

أهل بيت النبوة علل غائية .... لللتكوين بالقدرة الإلهية

إبتدأ بيهم الكون الباريء إبضيه .... و بالقائم ختامه إنجعل تاليّه

تبيين ..تعيين .. تمكين .. تضمين

إبتدينه بيهم و بيهم نهايتنه .... و إنواصل مسرتها بمسيرتنه

ولادتهم ولاده للإنسانيه .... ولادة نور قدسي و قيم روحيه

و هالليلة بألف ليله مثاليه .... لأن بيها انولد مشعل الحرية

و إزدان .. بإيمان ..و جدان .. الأكوان

بنور ابن الصميده و شرف عزتنه .... و إنواصل مسرتها بمسيرتنه

شبل العسكري الليله بزغ نوره .... و بشعاع الفكر نور المعموره

مثل عيسى نطق بالمهد دستوره .... ولادة خير بيها الامم مسروره

الأملاك .. الأفلاك .. وياك .. ببشراك

شذى فرحتهم العاطر بفرحتنه .... و إنواصل مسرتها بمسيرتنه