هاك العهد يا حسين ... قائدنه دنيه و دين

دمك ضمن عزتنه

يا حسين إخذ هذا العهد فوق القلب تدوينه

انتابعك دنيه و آخره بيعة شرف تهدينه

من نشأت الروح امتزج حبك الطاهر بينه

ما بين لصلاب انتقل ويانه و يدلينه

و اتسجل التدوين ... من عالم التكوين

بيعة عدل بيعتنه...دمك ضمن عزتنه

يا حسين من دور المهد حبك نشأ ويانه

ارضعنه الموده الثابته اسمك ثبت بدمانه

إنشأنه و عرفنه بمنهجك نهج النبي و قرآنه

و ادرسنه سيرة مبدأك و اعله العدل دلانه

أصبحنه مشغوفين ... كلما تمر اسنين

يكبر غصن فكرتنه...دمك ضمن عزتنه

زاد و كبر بينه الأمل و بنهجك اتعلمنه

معنه الحياة الساميه و اعرفنه و اتفهمنه

إنته الحقيقه الثابته و ارخصنه لجلك دمنه

و ارفضنه كل طاغي و خصم و أهل الظلم متهمنه

سيرة عدل ماشين ... بها الفكره معروفين

غاية عدل غايتنه...دمك ضمن عزتنه

مرة ملوك و كل ملك منهم لعين انشوفه

يمنعنه عن ازيارتك و يشهر علينه اسيوفه

ايقول اليزور ابن النبي ايقدم ضحيه اجفوفه

يا حسين احنه الشوفتك جينه ابمهج مشغوفه

ارخصنا لك الجفين ... اتعنينه ملهوفين

صرخة عدل صرختنه...دمك ضمن عزتنه

هالنوب قال اللي يجي و يقصد احسين و قبره

كل عشره تسعه تنذبح واحد يجي امن العشره

ما همنه اصدار الحكم كل فرد قدم نحره

و انريد نثبت للأمم قائدنه خالد ذكره

للذبح متقدمين ... عن معرفه امضحين

راية فخر رايتنه...دمك ضمن عزتنه