هذا الحفل تأيّد ... صلي على محمد

ليلة سعاده ... فرحه و عباده

صلي على محمد

يا من تسأل علينه ... إسمع طيبة حجينه

بالحب للحفله جينه ... نحيي فرحة نبينه

مرسل من عدنه بينه ... هادي وبيه اهتدينه

يسطع بالحب جبينه ... و احنه ابنهجه إكتفينه

شوكَ إووفه و ترافه ... يحمل فرح زفافه

و الباري راده ... فرحه و عباده

صلي على محمد

ليلة فرحه و هدايه ... زفّة سيد البرايه

للعز صارت بدايه ... تحمل أروع سجايه

امن الرب نالت عنايه ... رحمه و طيب و رعايه

صارت هالزفة آيه ... تكشف طيب النوايه

ثوب العرس نسيجه ... للمصطفى و خديجه

و ثوب السيادة ... فرحه و عباده

صلي على محمد

زفّوا شمس العداله ... الكوكب نور الرساله

و عيّن رب الجلاله ... محفل ما صح مثاله

يحمل طيب و أصاله ... أصبح للحب دلاله

الهادي إبمطلع جماله ... و طيبة ذاته و خصاله

زفّة عرس نبينه ... و شمعة فرح بِدينه

و يشهد شهاده ... فرحه و عباده

صلي على محمد

الليلة فرحة و تهاني ... تحمل أروع معاني

و أجمل و أغله الأماني ... يعجز يوصف لساني

محفل سر المثاني ... أوحد ما مثله ثاني

مُرسل عاش إبكياني ... وروحي و كَلبي و حناني

إي و الذي نعبده ... سيد الرسل نوده

و نعرف وداده ... فرحه و عباده

صلي على محمد

محفّل هادينه إلنه ... بالحب يجمع شملنه

و احنه انصبنه حفلنه ... ابعرسه الليله احتفلنه

ابجفة هادينه شلنه ... شمعة حبنه و أملنه

ابفرحة عرسه انشغلنه ... رحمه و بيها انشملنه

إوثاني فرح توهّج ... شبل الحسن تتوّج

ابتاج القياده... فرحه و عباده

صلي على محمد

تحيي محفل ختامه ... المهدي حصّل وسامه

إمتوج تاج الزعامه ... وارث نور الإمامه

يحمل عفّه و شهامه ... شرّع نهج الكرامه

بالحق أصبح هيامه ... ينصر دينه و نظامه

نال و كسب مناله ... و تاج الفخر حِلاله

و هاي الريّاده ... فرحه و عباده

صلي على محمد

فرحه و تحمل بشاير ... بهجه اتسر الخواطر

مهدي للعصمه آخر ... لابس تاج المفاخر

للحق يهدي البصاير ... بسمه نحجي و نجاهر

انبايع بيعة ضماير ... نتبع دربه و نناصر

صاغ الأمل وجوده ... و الرب ظمن خلوده

و مسلك رشاده... فرحه و عباده

صلي على محمد