بسمك اتشيد حفلنه يا صاحب الزمان

يا سليل النبي الهادي بسمك الوادم تنادي

شارت اعليك الأيادي و انته فرحتنه و أملنه

خفكَ طير الأمل جنحه و حلّت اعله الناس فرحه

انته شمس الوفه و صبحه و احنه بهواك اتصلنه

هيبتك هيبة محمد اسمك و اسمه توحّد

بيك درب الحكَ تعبّد مولدك وحدّ شملنه

الك يا بدر الأماني نحمل أزهار التهاني

انته طاووس المعاني وبيك يالمهدي انشغلنه

كل جفن هالليلة يسهر و الحفل بسمك تنوّر

اجعلكم المعبود جوهر و احنه شيعتكم جعلنه