العاده الولد من ايصير اعيونه و الإذن صمه

و من أجل الرضاعه ايكون يشتم بس عطر أمه

بس عباس بصياره كلما طب أبو اليمه

مد ازنوده لحسين العز

**

بعد اصيار أبو فاضل بين الشهر و الشهرين

قل الأم البنين المرتضه امن اقمر شتشوفين

كَلت له ابتوالي الليل من يقعد يناديني يبو الحسنين

اتوديني يم زينب كون

**

من صار القمر عباس إجت أم البنين الحيدر الكرار

و قالت له يبو الحسنين عقلي ابها الولد محتار

كلما ريد أقمطنه عليه اقماط ما يندار

عباسي حر ما يتجتف

**

بالأشهر يمر عباس و زينب قاعده و اتشوف

و كلما راد أخوه احسين يقعد بالمهد ملهوف

يدب روحه اعله وجه القاع و يتعنه العضيده ازحوف

ايدب روحه و ابحضن حسين

**

أنا ايسموني أخو زينب و يسموني عضيد احسين

أنه شاقي العطاشه لو بس تسلم الجفين

سبعين ألف خلها اتزود لو سبعين ألف سبعين

ابحد سيفي اليوم أفنيها