سطع كوكب أملنه زهه و نور حفلنه

سعادتنه ابقمر هاشم ابقمر هاشم سعادتنه

بزغ كوكب عله العالم و شعبان ابحفلنه ازدهرت أنواره و شعبان

انولد عباس هالليله و شعبان شهر للفرح و أيامه زهيه

شهر خير و سعاده تشرف بالولاده

مودتنه ابضمايرنه ابضمايرنه مودتنه

همت و ابحالي ما أهجس و لشعار قمر هاشم فرح زمزم و لشعار

القوافي تعجز ابوصفه و لشعار قمر و ينور آفاق الثريه

عجز راعي القوافي الوصف ذاته يوافي

مسرتنه ابشرف حبه ابشرف حبه مسرتنه

أطوف ابكعبة أشواقي وحييت متت و الروح رجعت لي وحييت

شلت إيدي لهل ودي وحييت ابفرح عباس أقدم هالتحيه

بده ايردد لساني تحيات الأماني

محبتنه نبع صافي نبع صافي مودتنه

الوكت مهما عمل بيه ولحسين ابغير الفرح ما أشعر ولحسين

انولد عباس هالليله ولحسين فرح قلبه و يشم اجفوف أخيه

و أخوه الحسن بشر بشاره القلب حيدر

أيمتنه فخر إلنه فخر إلنه أيمتنه

عهد قدمت لحبابي و ناديت بحر للجود يمناهم و ناديت

بإسم آل النبي أهتف وناديت بدركم سطع عالأكوان طيه

تلوق الفرح إلكم تعنينه الحفلكم

عقيدتنه جبل راسخ جبل راسخ عقيدتنه

دليلي ما يحب غيره و لامال ابمحبته انعقدت اظنوني و لامال

ابيوم الما ولد ينفع و لامال أبوه اليشفع الكل البريه

ابفضل هاي الإطاعه نحصل عالشفاعه

شفاعتنه فضل حيدر فضل حيدر شفاعتنه

أشوف العدل جدامي وما ماي ابسراب اتعيش هالوادم وما ماي

ابنبينه المصطفه نشهد وماماي علي اليحضرنه من تدنه المنيه

و أهل بيت الرساله موازين العداله

كرامتنه محبتهم محبتهم شفاعتنه