شهر شعبان شهر النور ... لاح و بيّن اهلاله

و ابمولود أبو السجاد ... صلو عالنبي و آله

بزغ نور الإمامه و لاح بالقدره الإلهيه

و كملت بهجت الفرحه بالعاطفه القدسيه

انغرس نور الزهى موسه و الطور انتشر طيه

هذا النور نور احسين ... لاح و نور الكونين

أصبح علت التكوين ... فطرس رد إله اجناحه

و اتحققت آماله ... صلو عالنبي و آله

ابها المولد بدت آيات روح القدس يتلاها

و لبو اليمه اعتلت أوصاف سبحانه اللي سواها

حاء و سين ياء و نون إله الكون سماها

احسين و يا نعم إسمه ... تاج و شرف للأمه

جوده خامس العصمه ... لبس تاج الكرم و التاج

بس لحسين يحلى له ... صلو عالنبي و آله

بالحكمه إله الكون للعالم مرج بحرين

الزهره و حيدر الكرار مصدر شرف للكونين

الحسن منهم فرع أصبح و البرزخ وجود احسين

ليلة عاطفه و أمجاد ... انولد بيها أبو السجاد

خل نفرح ابها الميلاد ... ابذروة مجد متوضح

روح القدس تبرى له ... صلو عالنبي و آله

بحرين و فرع إلهن ابو السجاد عنوانه

و من هالفرع تسع أنهار تفيض بسيل وجدانه

الدين ارتوه امن التسعه إلنه اتفوح أغصانه

أغضان الشرع فاحت ... أنوار الشيم لاحت

إسمع مهجتي اشصاحت ... تصيح احسين آية نور

رب العرش أوحى له ... صلو عالنبي و آله

آية معرفة و إحسان بيها انطوت رايتنه

آيتنه أبو اليمه شوف اشحوت آيتنه

حوت أسمه معاني الزود بيها اكتبنه عزتنه

ابو اليمه أملنه صار ... قبله و درس للأحرار

فرع من روضة المختار ... غصن من دوحة الهادي

منها ارتوت آصاله ... صلو عالنبي و آله