يقولون الوفه لهل الوفه زينه صدق صح الحجي و ثبتت براهينه

جربنه و عرفنه مو سوه هالناس كل واحد حسب قدرته و تمكينه

ما نرتجي ورده تطلع بسبخه ولا قطرة مطر بالقيض تلفينه

واحد طبعه يشبه شجرة الصفصاف اشما نسقيه ما بيه ثمر ينطينه

وواحد لون تطلب منه قطرة ماي يصول اعله الوغه و يسحك ميادينه

و إذا مانع يحجزه و ما يجيب الماي يهدي لك بدال الماي جفينه

و لونك ناشدتني و كِلت من هذا قمر عدنان هذا اللي رخص عينه

هذا ابن الغضنفر أعني داحي الباب فارس بدر ناشر دين بارينه

مثل ما وفه ويه المصطفه حيدر و كشف كل الخطر عن وجه هادينه

هذا القمر مثله ضحه لجل حسين و قدم للكفاله ايساره و ايمينه