يعشاق الحسين الرب وعدكم

بجنان الخلد أحسبكم وعدكم

هالليله الفرح عدكم و عدكم

الرسول و عترته حضروا سويه

عطرنه ايفوح و العاشق شملنه

و لطف رب السمه الليله شملنه

إجينه و الحفل يجمع شملنه

انولد زين العباد و انتشر ضيه

صحيت بحبك العذري وله اثواب

و محبك لبس تاج العز وله ثواب

أجر للحضر بالحفله وله اثواب

يعبره اعله الصراط بلا أذيه

الفرح ويه المسره يا علينه

بولادة من سندنه يا علينه

صرت أعبد الوادم يا علينه

أورثت من علي جدك هالسجيه

يمن عودك لهيب الحرب شبله

و من صولاته راس الكفر شبله

ابوك الأسد و من الأسد شبله

أورثت منه الفراسه الحيدريه