ليلة فرح ميلاد سيد البريه

يا محمد محمد**يا محمد محمد

من مولد المختار ** تمت صحف أسرار ** رب الجلاله

من مكه هالأنوار ** تتبادر بآثار ** مطلع جماله

بالمصطفه الأثمار ** متفتحه بأزهار ** أشرف سلاله

و الخالق الجبار** زال و كشف أستار ** نور الرساله

و ابتشرت الأقمار ** مولد محمد صار ** أصل العداله

جف المحاسن شار ** من مكه و ابكل دار ** صار إتصاله

مولد محمد نور زان الثريه **** ليلة فرح ميلاد سيد البريه

من مصدر الإيمان ** لاح و ظهر إعلان ** بدر الكرامه

قلب المحب نشوان** من سيد الأكوان ** حصل وسامه

مولد عظيم الشان ** منبع وفه و إحسان ** مصدر شهامه

و انختمت الأديان ** و الخالق الرحمان ** شرع نظامه

الليله الإنس و الجان ** فرحة امن الوجدان** أوضح علامه

و افتخر كل إنسان ** لمن وصل عنوان ** شاطي السلامه

و إنطانه رب الكون أعظم هديه **** ليلة فرح ميلاد سيد البريه

هالليله ليلة عيد** فرحتنه بيها اتزيد ** رغم العواذل

شوق ووفه و تغريد** هاك اسمع ترديد ** لحن البلابل

غايتنه للتوحيد ** بمولد الهادي انريد ** نحيي المحافل

و انخلي إيد بايد** للذكريات انعيد ** بين الخمايل

اتوجهنه للتخليد ** و شما دربنه ابعيد ** تمشي القوافل

غير العمل ميفيد ** و ابكل ثقه و تأكيد** نمضي و نواصل

قلبي بقلب وياك و ايدك بديه **** ليلة فرح ميلاد سيد البريه

يالمحب يمك جيت ** و ابكل محبه انطيت ** بيدك هويتك

ابشاره إلك وديت ** بمحبة أهل البيت ** خل تصفه نيتك

اتنول الخلد ياريت ** لو بالجنان امشيت ** خفف مشيتك

الشخصك نصيحه ابديت** حوريه لو لاقيت** تسهل قضيتك

اتقلك إلك حنيت ** و أنتظرك ظليت** و عندي هديتك

و اتقلك اشتاقيت ** متكحله اتعنيت** و ملهوفه جيتك

من عدها لو مليت ذبها عليه **** ليلة فرح ميلاد سيد البريه

هالليله ليلة نور ** بيها الحفل معمور ** و البدر زاهر

يالملتزم دستور ** نهج النبي المنصور ** هاك البشاير

اتطب للخلد مسرور ** و سعيك يظل مشكور** يالعشت صابر

عن كل عمل مأجور ** و الكعبي بين الحور ** ويَ المهاجر

حمزه ابلحن مشهور ** عن كاظم المنظور ** يروي المشاعر

و الملا باسم دور ** بالجنه يقره ابطور ** من شعر جابر

بالجنه كلنه اهناك نقعد سويه **** ليلة فرح ميلاد سيد البريه

كل شاعر ورادود ** ايفوز ابرضه المعبود ** و خدمة المنبر

و اليبذل المجهود** بالمجلس المشهود** ويانه يحضر

و الحاج أبو محمود ** و كلمن اهنا موجود** يشفع له حيدر

إسماعيل أمل مرصود ** بيه الأمل معقود ** و يوم القيامه اشهود بارينه قرر

رب الكرم و الجود** ينثر علينه اورود ** و نرشف الكوثر

و نحصل المقصود ** هذا العهد معهود** و المخفي يظهر

رب العرش يحميك من كل أذيه **** ليلة فرح ميلاد سيد البريه