وين حارس خيمتي.... وين اليطفي النار...ما تدلوني

ياهلي ياهل الوفه..... ياهلي الطيبين..... وزهرة أيامي

گوموا گوموا لكربله.... راح أخويه حسين..... وإنچتل ظامي

وهجمت خيول العده.... عالخيم صوبين..... وحرگت خيامي

ياهلي وهذا السوط يبّس متوني

لوگمر هاشم عدل.... ماوصل خدري نذل

وبيمينه البتار.... ما تدلوني

ياهل بضيكم عشت..... عيشه مرضيه...... ويشهد الوجدان

آنه زينب والمثل.... ينضرب بيه.... ورفعتي عنوان

من عگب ذاك الخدر..... اليوم مسبيه..... بولية العدوان

ياهلي بهذا الحال....... لو تشوفوني

بالحرم متحيره.... ونار گلبي موجره

ودمع عيني فجّر..... ما تدلوني

من وطن جدي طلعت..... وچنت مرتاحه..... وخاطري مسرور

وكافل خدور الحرم......يزهي مصباحه...... عالخدر وينور

راح كافل عزتي... وراحت الراحه.... والگلب مجمور

راحوا سباع الكون.... والينطروني

والعيون مساهره.... والضلوع مكسره

واصبحت وحشه الدار..... ماتدلوني

ياصناديد الحرب..... ماگرب ليكم..... بالحرب سيّاف

توج نار المعركه..... من نواضيكم...... والگلوب تخاف

شما تولاني الزجر.... أنتخي بيكم...... وانه بين أجلاف

وحالة عيال حسين.... بچّت عيوني

لاتهيب ولا تچن..... وتصرخ بصوت الحزن

يالتحامون الجار..... ما تدلوني

بالمصيبه تصوبت... والمصيبه نار.... سرت بظلوعي

من إخوتي حرمني الدهر.... والدهر غدار..... وإندهش نوعي

وضگت لوعة كربله... وشاهدت أخطار.. وكتّت دموعي

شاهدت طفل حسين.... وبيه فجعوني

آه يا عملة كربله.... آه يا نبلة حرمله

بالدليل الآثار.... ما تدلوني

وشاهدت شبل الحسن... من دمى نحره... صاير خضابه