وجهك يا زينب وين مذبوح اخوك احسين

و الجثة سليبة الله اشمصيبة

آه يا زينب اشصار ابحالك امن الغاضرية

اشلون ليلة أمس مرت و النهار و هالمسية

أمس قضيتي الليل اوداع وي أهل الحمية

ابسهر عين ابظمه ابخوف اشبح من وجه المنية

للعايلة المتألمة الأطفال تصرخ من الظمه

لبن أمك او لمخيمه ابين توديع او وصيه

جفن عايف منامه بوداع النشامه

و تسكتين أطفال و تودعين أبطال

بها الليلة الرهيبة الله اشمصيبة

خلص يا زينب الليل البيه توديع الأطايب

و الصبح بيّن عليك او بينّت بيه المصايب

اتبدل نور الصبح نار النار صارت بالحرايب

او غاب عنك قمر هاشم وين فوق النهر غايب

دارت الحومة بالحومة ابكف المنية او القدر

او لن الأهل سبعة او عشر انجوم عالغبره او كواكب

و تغيب ضواها البدور ابدماها

و بهاي الميادين بعيونك تشوفين

أبدان الشبيبة الله اشمصيبة

اخوتج نزلت الحومة و القدر ما قال تسلم

اربعة من ام البنين بها الحرب سبّحهم الدم

قمر هاشم اخذ جوده او قال أرجع للخيم

و القدر قلك اجفوفه اتقطعن او راسه متهشم

و السهم يا زينب وقع ابعينه و أبو اليمه انصدع

ابرايته او جوده ما رجع عالنهر جسمه تخذم

ما ظلت الراية (طاحت و الرواية )

لمن راح بالجود قال القدر ميعود

ما ظلت كتيبه الله اشمصيبة

شفتي من ودّع احسين الأكبر او يرهب المنظر

اوداع ابو الأبنه او راح الابن للحومة او شمر

او شفتي من احسين جابه للخيم جسمه اموذر

هذا أول جرح صار ابقلبك المفجوع يسعر

و اجروح عقبه اتكاثرت امن ابدان طيبه اتوذرت

مثل النجوم اتكورت عالوطيه اشبول حيدر

او شفتي جسام الشباب اتحنه يا زينب بدمه

اشلون يا زينب اسكينه تلقته امن ايد ابو اليمه

شنهو ذنبه جان هذا الطفل و النبله تفطمه

شفتي مثل هذا الطفل يمك انقتلوا بالنبل

اطفال ابن امك جتل قضوا من حرقوا اخيمه

او شفتي المهر بالدم من رد للخيم

لفاك السرج مقلوب قلتي احسين مصيوب

او لن جثته خضيبه الله اشمصيبة

و انقضه اعليك النهار اعلى هالحالة يبنت حيدر

لا رجال و لا خيام او لا خدر ربي تظل خّدر

هذا يا زينب الليل او عايلة امطشرة ابها البر

و انتي مهضومة او غريبة و التعب عالحال أثّر

او تردين لم العايلة ضاعت ابوادي كربله

وين الابو عقد الوله ابمثل هاي الشدة يحضر

صيحي شوف حالي ما ظل عندي والي

حيدر حشمي بيه صوتك خل يصل ليه

هالصوت اليجيبه الله اشمصيبة

روحي يا زينب افقدي العايلة و اطفال لمي

صيحي وين القى الاطفال طشروها يا بن امي

يا هو خليتوا لختكم هذا بس وجعان يمي

اشتلقين يا زينب بعد لا طفل ظل و لا مهد

ابين القضه او بين الشرد

وين جا ام الرضيع الليلة قومي دوريها

بالمعارة يم طفلها رايده اترضعه بثديها

روحي يا زينب او شوفي الها او سمعي حجيها

ضمت طفلها للصدر اتحاجي او تبديله العذر

هسا غده ثدي يدر

هاي ام الطفل تحجي اوي الرضيع اعلى هالجمرة

شفتي يا زينب يتيمه اتحاجي ابوها فوق صدره

قوم يا بوية تقله و الأبو مقطوع نحره

قوم اتقله اتسلبت بويه اتقله اتيتمت