تنخاك زينب يا حيدر و اتريد من عندك تحضر

وينك يا حامي الجار شوف ابحالتها اشصار

يا بالحسن يا الما ترد الينخاك انهض و خل سيف الفقار ابيمناك

طب كربله و انظر اشصار ابعيناك متحيره زينب يبو احسين وو تتناك

تتناك اسمع نخوتها شتقول مذبوحه اخوتها

حرمه و بين الأشرار شوف ابحالتها اشصار

هالجثث من يغسلها و يجفنها صارت الها ثالث يوم من يدفنها

طب كربله شبانك انشد عنها يا علي و ما ظل كتر سالم منها

شبان طاحت عالغبره أجسام ظلت متوذره

هاي أبناء المختار شوف ابحالتها اشصار

كلمن لعد واليها قصدت يمه ليله اعله الأكبر هوت فوقه اتشمه

رمله تحني اجفوفها من دمها و أم الرضيع العند صدره اتضمه

يا حيف ثدييك مرضعته سباح قلبي قطعته

ده_ري ه_ذا غ_دار شوف ابحالتها اشصار

بين الجثث زينب يبو حسين اتحوم تعثر ابضيم الدهر و بحرقه اتقوم

و اتصيح دلوني اعله جسم المظلوم يا خويه عنك راح نمشي هاليوم

و شتقول يا نور اعيوني يحسين راح ايمشوني

محتاره و قلبي نار شوف ابحالتها اشصار

الراعي العلم قصدت تريد اتنشده ترضه الشمر خويه عليّ يتعده

يا با الفضل ننخاك طحنه ابشده ظعن الحرم للوطن يا هو ايرده

عباس انت الكافلها للدار اقعد وصلها

طاحت بين الأخطار شوف ابحالتها اشصار

هاي العقيله يا علي المعروفه باليسر تقبل زينب و مجتوفه

و اشلون لو رادت تطب للكوفه بيت الخدر تتذكره و اتشوفه

و الجان تذكر عزتها وشلون تنظر ذلتها

شبحت ليك الأنظار شوف ابحالتها اشصار