عليك السالت العبرات وجرت

أحس نار الخيم بحشاي وجرت

حكمة اقتضت يا مظلوم و أجرت

انته بلا دفن و آنة سبية

زماني للقلب يمته يساره

بفقد القطعوا يمينه و يساره

لون عالزهراء ما تحصل يساره

على زينب من جسر بالغاضرية

علينه اشما يجور الوكت بالشام

نظل أهل الشيم ننعرف بالشام

تعنينه و نزلنه اضيوف بالشام

نواسي زينب ابهاي الرزيه

زينب إنتي زينه بالعفه و زينب

جهادج و إنتي زينة أم وزينب

خدام السبط إحنه و زينب

شفيعتنه لون تدنه المنيه