يا هي اتمحنت مثلي فجعوني ابجتل طفلي

مثلي ما حد اتمحن أشكي محنتي إلمن

دموعي من دمه يجرن عله طفلي القلب خزن

ابحياتي جا بعد شلي فجعوني ابجتل طفلي

هم شفتوا طفل مفطوم من شرب العذب محروم

و جا ليها تذبحه القوم و ترميه ابسهم مسموم

ابجتله هالصبح جتلي فجعوني ابجتل طفلي

طفلي ابيا ذنب مذبوح اشجنه و فارق يناس الروح

راح أقضي العمر بالنوح لمن روحي مني اتروح

من عيني اختفه ظلي فجعوني ابجتل طفلي

طفلي من أجل شربت ماي بالنبله تذبحه إعداي

هرش و اتقطع امن احشاي يا هو ابتله ابلواي

ناره ابمهجتي تغلي فجعوني ابجتل طفلي

القطع نحره قطع نحري و حفر جف الدهر قبري

أنا ما ريدن بعد عمري أروحن وين ما أدري

تبدد و افترق شملي فجعوني ابجتل طفلي

أنظر للمهد خالي و عليّ ايحوم دلالي

ابجتله طاعت آمالي يا غربتي و يا حالي

يعيني بالدمع هلي فجعوني ابجتل طفلي