هاي اطفالي تنظر جودك هاي اطفالي

زينب صاحت ياوالينه .. هاك الجود وگوم اروينه

ماظن بضمانه تخلينه .. ياعباس وانته الوالي

اطفال ولوعها ضماها .. مشبوحة لجودك عيناها

يمته تگوم وتطفي حشاها .. وتخمد جمرة دلالي

انه اختك ياكافل ضعني .. منظر اطفالك روعني

بلسان ضماها تحشمني .. كسرت گلبي ومردت حالي

تروت من جمرة مدمعها .. والمدمع خوية شينفعها

چم طفلة تصيح وتسمعها .. جودك يابعد اختك خالي

اطفال ورضع عطشانة .. عبدالله ياشر بلسانه

وسكينة الظلت تلفانة .. هاي الحالة تشل عيالي

جاب الماي ورد لعياله .. ولجوده تعاين اطفاله

ينظرهم محد يدناله .. ماشربوا ابدا للتالي