تشچي من العطش حاله تجري دموع عيناها

طبت لعد صيوانه منها العين همّاله

تقله شوف عبد الله اشسوة العطش بأحواله

ياخوية يبّس لسانه ذبّل هرش دلاله

سوي لهل طفل چاره....يبن المايذل جاره

دمعتي عليه تتجاره

و أخاف ارويحته عليها ياخوية يلحق ظماها

شوفه يدير بعيونه يتلفت لعد جودك

ترضى يموت عبد الله يابحر الجود بوجودك

ياخوية لمثل هذا اليوم النا ذاخرك عودك

تراه العطش ماذينه....غيرك من يروّينه

لَوَن اتعاين سكينه

من العطش يا عباس نار و تشب بحشاها

ياخوية اطفال أخوك حسين كلها تصيح عطشانه

حر العطش ماذيها تتلوع ابصيوانه

يا عباس أخوك حسين شنهي ذنوب رضعانه

عليها الماي يتحرم....و تتصارخ بالمخيم

ماتنهض يالمشيّم

تسل السيف بيمينك و تحورب على عداها

لمن شاف عبد الله شاف الدمع من زينب

تغير و انخطف لونه لاح الزعل بيه و اغضب

شال اعله المتن جوده و سل بچفه المذهّب

لاح بظهر ميمونه....دار لزينب عيونه

الماي العدى يمنعونه

لجري لچ رحاها اليوم يا زينب من دماها

ياختي خيمتج ردي بشري اطفال اخوية حسين

خليهم يتانوني و آنة الماي أجيبه الحين

قامت زينب تهلهل شبحت عالطريج العين

لمن شافته الفرسان....مجبل للحرب زعلان

صايح صاح بالجيمان

وين اليوم منواكم لفّت كل رواياها

قام يجول بالميدان غوجه و عالجثث يلعب

ساعه يلعب الرايه و ساعه يهز لمذهب

جسب صيت الحرب عباس و اتذكر وعد زينب

تعنه المشرعه الجيدوم.....يباري للوحش و الحوم

لكَاها خاليه امن القوم

نزل ركوته بيده من الماي رواها

أخد له ويا العدى ساعة لن واحد قطع يمناه

أخذ سيفه بيساره و قام عن جوده يرد عداه

صابوا بالسهم عينه ياويلي و ثنّوا ابيسراه

وقف و مقطعة زنوده....و صابوا بالسهم جوده

لن واحد بعاموده

ضرب راسه ووقع مرمي وهاشم فقدت لواها