العلم عالگاع يا حيدر**يبوية و منك اتعذَّر

شتفيد اعذار** يا حامي الجار** يا حيدر

الك تاريخ ظل يشهد** يا داحي الباب**يا ليث الغاب** على الشدات تتودد

ترجف الموت من تحتد **يصل للصيف**بيمينك سيف** غليظة رقاب يتقصد

تدوس الموت تتعمد** يا أبو الحملات**الك صولات** تهز الموت من تشتد

و أنا العباس عالمسند** حملت لواك**جهودك ذاك** رِدِت هاليوم تتجدد

رِدِت عالجيش يتكرر** مغيرك يا بطل خيبر

سحقت أخطار** يا حامي الجار** يا حيدر

العهد وياك من ترحل **أظل وفاي**و أنا بدنياي** سوى المعروف ما أقبل

لَوَن دنياي تتبدَّل** أظل ملزوم**بعهد مرسوم **عهد بدماي يتسجل

بعزم شديت كل محمل** كفلت عيال**حَرَم و أطفال** و أنا المذخور و اتكفَّل

حليف الزود ما ينذل** صِحِت هاليوم**أخلي القوم** بدماها الخيل يتحجَّل

نصبت خيام للخدَّر **بقيت لعهدك اتذكََّر

بنيت أستار** يا حامي الجار** يا حيدر

أشوف جيوش تتجمع** زِلِم و خيول**تريد تصول **على شاطي الماي تتوزَّع

يا داحي الباب لَن أسمع **نحيب و نوح**يفت الروح** بجي الأطفال و الرضَّع

على شربة ماي تتلوع** عطاشى قلوب**تِحِن و تلوب **عتبها يفيض بالمدمع

بنات خدور تتروع** تصيح بصوت**لفانا الموت** مهجنا بنار تتلفَّع

أشوف قلوب تتفطَّر **ضمايا و بالعطش تسعر

على جمرة نار** يا حامي الجار **يا حيدر

العطش نيران تتلهَّب** اشتشوف العين**يا أبو الحسنين** مهج و أرواح تتعذَّب

أخذت الجود من زينب** قِصَدْت الماي**لواك وياي** يِرِف و يلوح عالمنكب

شفت فرسان تترقَّب** حشود الخيل**شبيه السيل** و هي لملقاي تتوثب

صِحِت هيهات أتهيَّب** لَوَن آلاف**تسل أسياف** و أنا البالموت ما حسَّب

غبار الكون يتنثر **يا بوية و دارت العسكر

بنبل و أشفار **يا حامي الجار **يا حيدر

غدت هالقوم تتحشَّم** فَزِع و صفوف**مِشهرة سيوف** على قتلي تريد تتوزم

و أنا بكل حال ما أهتم** أنا العباس**دعيت الناس** عليها السيف يتحكم

صِرِت عالماي أتقدَّم **و هم يرمون**و أشوف الكون **بعجاج الخيل صار أظلم

بثَغر عطشان اتبسَّم** تِرَسْت الجود**رجعت ردود** قصدت اطفال و مخيم

عفت رضعان تتضوَّر **يا بوية و عيلة تتنطَّر

تصد أنظار يا **حامي الجار **يا حيدر

عَلَي هالجيش ظل يلتف** اجتني حشود**دَرُب مسدود** عَلَي رميات تتهدَّف

رهيف الجون ما أنصف** قِطَع يمناي**و قِطَع يسراي **و أنا على الجود اتلهَّف

العلم طيحوه ويا الجف** جريت دموع**بقلب مفجوع **على هذا لواك اتأسف

بيمينك جان لو رفرف** يصب آجال**على الأبطال** وسافة يطيح بأرض الطف

أسيل لواك ماأقدر** قطيعة جفوفي و اتحسَّر

صِرِت محتار **يا حامي الجار **يا حيدر

العلم من طاح من يدي** بدمع ناديت**صِحِت يا ريت **العُذر مقبول من عندي

بِذَلت عليه جَهدي** و أظن معذور**زمان الجور **عَتَب وياه مايجدي

وِسَف شيجيب شيودي** أمر محتوم**و أظل مهموم** على جفي الطاح من زَندي

يا بوية وياك كل عهدي **وفيته بهاي**لجن بحشاي** جرح جتال ظل يبدي

على الرضعان اتفكَّر **جمر بحشاها يتوجَّر

دريت اشصار **يا حامي الجار** يا حيدر