إقصدوني إقصدوني أنا المسموم إقصدوني

إقصدوني إقصدوني…أنا المسموم إقصدوني
ثلث  حاجات أقضيها…وعد ياللي  تزوروني

إبن  موسه  الرضه إينادي إمام و صوته سمعنه
يقول الزارني إبغربه أنا ابقبره أزورنه
ثلث  حاجات  أقضي له و إخذ هذا الوعد  منه
كلمن زارني مهموم أكشف كل حزن  عنه
تواسوني تواسوني… أنا إبغربه تواسوني تواسوني
ذنوب العدكم أمحيها…وعد ياللي تزوروني

من عندك يبو محمد بأول حاجتي  أبدي
أريدك  ساعة  الوحشه أشاهد نورك إبلحدي
يوم الترحل الأحباب عني و انترك  وحدي
ما تنعد إليه ذنوب شذكر جم ذنب  عندي
على إجفوني على إجفوني … دمع حبكم على إجفوني
يمن وعدك يجازيها…وعد ياللي تزوروني

و  ثاني حاجتي عندك و أدري بيها  مقضيه
أظل خادم لبو السجاد ما دام النفس  بيه
كرامه  و مفخره و هيبه هالخدمه  الحسينيه
ربوني هلي ابحبكم هواكم حاكم  اعليه
يدرسوني يدرسوني… هلي ابحبكم  يدرسوني
و إجيتك و انت حاجيها…وعد ياللي  تزوروني

و  ثالث حاجه أطلبها إجيت و دمعي  يتجاره
أريدن طلعت المهدي يعجل ياخذ  إبثاره
نروح إوياه نشوف الباب و نسأل وين  مسماره
نار  الباب ما تطفه يبو محمد تظن  ناره
تشوفوني  تشوفوني… أنا إوياكم  تشوفوني
دموعي إوياكم أجريها…وعد ياللي  تزوروني

تعال  إويانه يا سلطان تعال إبدمعه ما  تنشف
نستقبل  حرم  و أيتام إجت من اليسر للطف
ملايين  البشر حضرت إجت من كل كتر  تزحف
إجت يوم أربعين حسين يم زينب علمهم  رف
إسمعوني إسمعوني … ينادي حسين إسمعوني
عهد زواري أحميها…وعد ياللي  تزوروني