أبيات أبوذيّة

1  چفوفي الدهر گيدها  وغالي
2  أو  ضميري تستعر ناره وغالي
3  گبل چان الدمع ناشف  وغالي
4 رخصت الدمع من غصبن  عليه

1  جره دمعي على الخدين  ونهال
2  عسن وادي الطفوف انرجن  ونهال
3 عليل ابيا سبب انسبي  ونهال
4 واعوف اهلي جثث فوگ الوطيه

1  جَرِحْ عاشورْ ما يِبْرَه  يَنادي
2   أخَذْ روحي اِو مُرَدْ چَبدي  يَنادي
3   شِبْلِ حْسَينْ عَالناگه  يِنادي
4   يَجَدّي گومْ حِلْ اِچتافِ  اِدَيَّه

1    عَبْيطْ اِيْكِتْ دَمِعْ عَيني  وَيَنْجارْ
2  عَلَه الْمَكْتوبْ بَرْضِ الطَفْ  وَيَنْجارْ
3  عَلْي السَجّادْ يِتْگَيَّدْ  وَيَنْجارْ
4   عَلَه الناگَه و جِذَبْ حَسْرَه  شِجِيَّه

1   شَهِمْ ما حِصَلْ مِن هَالْگومْ  يَنْگادْ
2   و لا مِنهم نُبَضْ بِالشَرَفْ  يَنْگادْ
3  اِلْمِثْلي ايْصيرْ فوگِ الْهِزِلْ  يَنْگادْ
4   اِبْسَلاسِلْ وِالْدِمَه يْسيلِ مْنِ  ادَيَّه

ناشدت  القلب يا قلب  شبلاك
لن جمر القلب يحسين شبلاك
عليل و عله إنياق اليسر شبلاك
طلع مجتوف بين أجلاف أميه

إنحجب وجه القمر ضيه و ناراه
و  عليلك باليسر يمشي و  ناراه
حال إبنك مثل حالك و  ناره
مثل  نارك  ابدلاله سريه

أنا كظيم و لعد سيف الصبر  سليت
و جم طفله و طفل باليسر  سليت
عليل  و من مرار الدهر  سليت
و بعد ما ترهم الوصفات اليه