إختك يالمتكفل إضعوني

إختك يالمتكفل إضعوني
الدرب خويه إعيوني  إربيه

يالجبتني إوياك و الخدر  عالي
و  بين كل ساعه جنت  يالوالي
إشمحتاجه إتقلي و تنشدني
إتريد إيزول الهم البيه

قلبي  يا عباس حقه من  إيخاف
و  يا إخت عدها إخو  ابهالأوصاف
ناديتك  يا راعي  الغيره
بيتي إبوجهك يزهي إبضيهإربيه

زينب إتنشدك يبن  والدها
إختك البحماك غيرك  إشعدها
وياك  أرد  أقصد  للحومه
ما ظن ترجع سالم ليه

جنت  مثل أمك بالحنان  إوياك
ما  نسيت إرباي يا شهم  حاشاك
محشومه إبجالك يا ذخري
و  طول  إخيالك أغفه  إبفيه

العطش  من  مسني يا قمر  دنياي
خويه  لو أدري ما شجيت  إضماي
الماي السبب قطع إجفوفك
بحر إخلاصك فايض  ميه

راح قلبي إوياك من رحت عني
قلت  عن وضعك إجه  إيطمني
من  شفته إيريد  إيوقعها
جنت  أتنطر منك  جيه

ودعتك و إتغير  لوني
جان إحسابي إتعود  إعليه

و  الدرب  كله خويه  تبرالي
إتنوخ  الناقه و تفقد  أحوالي
كل همك رايد  تسعدني
جان إحسابي إتعود  إعليه

مثل وجدانك لا سمع لا  شاف
وفه  و طيبة ذات و مرجله و إنصاف
يا عباس و داعك  حيره
جان إحسابي إتعود  إعليه

تدري بوداعك كلف  يضهدها
خلتك خله قلي  شيسدها
و  لا أبقه إخلافك مهضومه
جان إحسابي إتعود  إعليه

قابلت مهدك و إتعبت برباك
و  ما يهضموني و سيفك إبيمناك
و إبزودك معروفه إبقدري
جان إحسابي إتعود  إعليه

و أغضبت شفتك صحت يا  وفاي
و صمت كل عمري عن شراب الماي
ما  يرويني و أروه  إبشوفك
جان إحسابي إتعود  إعليه

شفت  إخوك  حسين و إبتشر سني
الخيمتك لنه إبهمه متعني
إهروش الدلال  إيقطعها
جان إحسابي إتعود  إعليه