مثال العبقريه

مثال العبقريه…..بطل  بالغاضريه
حمل راية علي وللمشرعه تعنه …… ملك ماي الفرات وما شرب منه
مثال                            العبقريه

كل بطل حسب إقتداره يشد مسند  بالبطوله
ومسند  العباس سامي يا سعد حظ  الينوله
ونشر  للإسلام راية ونشرت فروعه  وأصوله
وبسما الشاطي ساميه…… وخزها بملاحم داميه
وحاملها يوم التضحية …. نصر دين الله  ورسوله
حمل تاج القياده …. على متون  الشهاده
وتواريخ  الفضل فضله يسجلنه….. ملك ماي الفرات وما شرب  منه
مثال                            العبقريه

بيض  وجوه القياده گمر هاشم  بالقياده
بكربلا  وسجل صحيفة سعد باقلام  السعاده
وعالقلم توفيقه يملي وحبره من دم  الشهاده
للتضحية خلد شرف …. بالإمتحانات  إنعرف
وما  مثله بالكون إنوصف ….. عطفه لحسين  ووداده
الشمايل هاشمية ….. المحاسن حيدريه
ومحاسن حيدر الحيدر يوصلنه……. ملك ماي الفرات وما شرب منه
مثال                            العبقريه

شلون  نشرة علم حلوه نشر بحدود الكفاله
من  تكفل  خدر زينب ما گصر جهده  ونضاله
علم  هز الكون علمه الموت يرجف من  خياله
بالكون  أخذ سطوه وعلم ….. يروع گلوب الزلم
عاش العلم خل يغتنم … متن ابو فاضل  حلاله
يطوف  على الصواوين….. كفيل إعيال  الحسين
ورباب وزينب وسكنه تلگنه …. ملك ماي الفرات وما شرب  منه
مثال                            العبقريه

شلون  ملگه شلون وگفه بين مكفول  وكفيله
وبعتب صار يتناگل والدمع فجر  مسيله
وبطرف راية وليها تعلگت روح  العقيله
صاحت  يفاروق الفضل …. إدرك حرم سيد  الرسل
شوف  الرباب على الطفل ….. تون والونه  ثچيله
يزينب يا ضوه العين ….. دگليلي  شتريدين
وركز عدها الرمح وبحده يتچنه …. ملك ماي الفرات وما شرب  منه
مثال                            العبقريه

عونچ وعيناچ يختي صاح انا بدر الهواشم
خل يلزمون الشريعه تنضح الماي الصوارم
للخيم ردي يزينب أمني گلوب الفواطم
لا  تخليها موجله …. خلها بوجودي  مدلله
وبحدهن الموت إيحلا …. واليموت بشرف غانم
مشى  بأمر  الديعه …. وتوجه  للشريعه
ولبس درع الوفا وسيف الوفا الجنة ….. ملك ماي الفرات وما شرب منه
مثال                            العبقريه

ساگ غيم العالشرايع واليسوگ الغيم  صعصع
والبريج يخطف عين الكون والسيف  يتلامع
گمر بموسط الشاطي نزل والنور ايتشعشع
ظامي  ودليله منعطب …. من غرف من ماي  العذب
شمنعه و عيّه من الشرب …. من وعد سكنه تمنع
رمى الماي بكرامه …. ويخاف من الملامه
عذل  نفسه ومواعيده اليعذلنه … ملك ماي الفرات وما شرب  منه
مثال                            العبقريه

حمل جوده و صدر ظامي الگلب حماي الظعينه
عارضه سيف المگدر گطع يسراه ويمينه
وبالعمود  إنفضخ راسه من توله السهم  عينه
كل المواضي الصابته …. عن الخيم ما منعته
والأجل نفذ رادته …. بين المخيم وبينه
إنقطع  حبل  السقايه ……. وغفت عين  الرعايه
يگلبي  حن على مصاب اليفگدنه …. ملك ماي الفرات وما شرب  منه
مثال                            العبقريه