من هوت رايتنه

من  هوت  رايتنه…. وإنطوت خيمتنه
وإنگطع  بينه…. حرم  ظلينه
وفرهدوا سايتنه…. من هوت  رايتنه

من طاحن جفوفك وگف حد الزود….. وإنگطع  بينه
وسهم البعينك أشد من سهم الجود….. أثر  علينه
لاجن  يابو  فاضل صواب العامود…. هيء سبينه
بالخيم سجنونه…. وبالجتل  روعونه
خيم منهوبه….. بنار  ملهوبه
وسعرت جمرتنه…. من هوت رايتنه

جانت  عيالك  بالخيم وبرجواك…. تروي ضماهه
واعلم بسيف الگطع منك يمناك….. گطع رجاهه
بس حرم ظلينه ونخبرك بعداك….. ظهرت  عداهه
بالظلم  مرسومه… من الراحه  معدومه
م_ال_ه_م  ج_اره…. گوم  غ_داره
ما  رعوا غربتنه…. من هوت  رايتنه

وليلة  الحادي عشر ما تدري شصار…. وشجرى بحالي
لا  خيمه  عدنه ولا جفيل ولا دار… ولا عدنه  والي
فوگ الضرب فوگ النهب فوگ النار…. جور الليالي
والدهر  سابينه…. ومنذبح  والينه
بذاك ممشانه….. الگلب إيمانه
والصبر شمعتنه…. من هوت  رايتنه

وشلون  صبحية كدر صبحنه…..  بالغاضريه
گيدونه بحبال اليسر والمحنه…. وإنتم  رمية
وعنكم ينادينه الصدى لو صحنه… ياهل  الحميه
الجانوا يحامونه…. بس جثث  مرهونه
الروس مگطوعه…. بليد  مرفوعه

وعالنوگ  بس جسومه مشبوحه…. راحت  يسارى
وارواحنه ويه جسومكم مطروحه… بوسط المعاره
وگلوبنه  من سهامكم مجروحه…. ودمها  يتجارى
دمكم اليتجاره… هاك إخذ  آثاره
من  ضمايرنه….  ومن  نواظرنه

نار السبي وعلى الجثث مرينه
والروس بطراف الجنة  ينادينه
صدت  وداع  على النهر صدينه… يا گمر  هاشم
وداعك وتبيينه… ما حصل بيدينه
ما يخلونه… غصب مشونه

وتحيرت بعيالك وغربتها…. وإنهدم  حيلي
وارعى  بيتاماكم وأرد لهفتها… وما نمت ليلي
ونت عليلك ثگلت ونتها… فجعت  دليلي