أبوذيّات (حرف الواو)

يخي جانت كَبل روحي  وديعه
فجعها  شخصك إبساعة  وديعه
أمي الزهره عند حيدر  وديعه
و  آنه اوديعتك  بالغاضريه

يخويه إعليك كل نوحي و  نحباي
و  أصرخ وين ولياني و نحباي
يبو فاضل كَرب موتي و  نحباي
من  هضم  السدر بالطف  عليه

ينار الحزن شبي  ولعيني
ويدهر  الشوم ابعد ولي  عني
حرت عين الكفلني ولا  عيني
انطفت  وانصابت بسهم  الرزية

وايتام  صدق يكمل بدر دنياي  وايتام
و  صدق يبقه بيميني السيف و  يتام
عفت عيله بلهيب العطش و  أيتام
تحن و النار بحشاها  سريه

أجد  و العدل مسعايه  وجودي
و  أريد أرخص لبو الأكبر  وجودي
رحت للمشرعه بسيفي ووجودي
أريد  أروي عطاشه الغاضريه

احترق قلبي ابسعيرك  والتهابك
و  ترك هالناس كلها  والتهابك
اشسبب  روح التجلك  والتهابك
تفارقها  و تشب نيران  بيه

يميل اعله الحزن قلبي و أنه  اوياي
أون  وحدي  و  لا  واحد ون  اوياي
غيري  اوياها  اخوتها و أنه اوياي
مصابي  و  حزني و الهم و  الأذيه

غفيت  وصوت  المصايب وعيني
اكابد  بالقهر  وحدي  وعيني
بسهم واحد طفوا عينك  وعيني
ومثل چفينك جفوفي رمية

مشيت بنوك لا محمل  ولحداي
يريت  الحادي  لاصوت ولحداي
انحفرن  عالنهر لحدك  ولحداي
ودفنوا جسمك وجسمي  سوية

إخويي  الطاوعت  شوره ورايه
تركني و صاحت أحزاني  ورايه
اجفوف امن انين أجيبن لك ورايه
و تلحق زينب الراحت  سبيه

يا قلبي منهو من الضيم  وهناك
يا عمري إشلون الذ بالعيش  وهناك
إشلون  أهنه و اضوق النوم  وهناك
إبو  فاضل عله الشاطي  رميه

أريد  أقلب أواني الهم و  جفين
عله  الما شخص غسلهم و جفين
إلي  جود  و لوه و صارم وجفين
إبكتر  عباس ظلن عالوطيه

1  راحِ  آلْهَنَه آوْ بَيتي آنْگِشَعْ وَالرّاحْ
2  راحِ آوْ گُمْتَ آصِّكِ آلوَجِه  وَآلرّاحْ
3 صِحِتْ عَبّاسَ آخُويَ آليومْ  وِآلرّاحْ
4 أرِيدَه آيْشوفْ دّهْرِي آشْعِمَلْ  بِيَّه

1  أنَه زَينَبْ يَگَلْبي اِنْحَبْ وِلي  جودْ
2  وِلي أعْلَه الصَبُرْ مِلْكِيَّه وِلي جودْ
3  وِلي إعْلَهْ المشرعه رايه وِلي  جودْ
4  تِمَزّگْ وِانْهِدَمْ بَيتي  عَلَيّه

1   الگلب بالعزم صبرته ومنته
2   وفرشته اعله الترب يمك  ومنته
3  منته الكافل ظعوني  ومنته
4   الجبتني اوياك ليش اگطعت  بيه

بجاي  بيوم ما يخلص ويامن
و لامني القلب يهجع  ويامن
هالحرم  يمشن ويامن
و قمر هاشم طريح اعله الوطيه

وكت  عباس ويانه و  يمنه
يصبر  كل  قلب ذايب  ويمنه
إخلاف البقه ابلا يسره وم  يمنه
الحراير  غربت  ثقله و  سبيه

وبدراي  أريد  أحجي ابفكر صاحي  وبدراي
و أباشر بالدمع و الهم و بدراي
بدر  هاي  السمه يزهي و  بدراي
صريع  اعله  النهر  بالغاضرية

أريد  اقلب أواني الهم و  جفين
عله  الما شخص غسلهم و جفين
إلي  جود  و لوه و صارم وجفين
ابكتر  عباس ظلن عالوطية

قسم  بحسين و بصبره  وجوده
الفقد عباس قل صبري  وجوده
بيوم اجفوف أبو فاضل وجوده
هِون و السهم شق عينه  الشفيه

أدور  يا كتر جسمك و  عينك
و  أصيرن عون إلك خويه و  عينك
صريع  امقطعه اجفوفك و  عينك
رماها  بالغدر  سهم  المنيه

يبو  صالح  و لك ثار
غبار النوح ما هود و لك ثار
و إلك يالمهدي ظل مطلب و الك ثار
مصيبة  عمك اتألم و الك  ثار
مصيبة  جدك الطايح  رمية

يمن  ضحيت  بجفوفك و شوفك
يضامي و ذابله إعيونك و  شوفك
لون  تقعد يبو فاضل و  شوفك
سهم  عينك  يخويه اشعمل بيه

عد كيفه الدمع ما ظل و لا  كف
يمك و الشمر سبني و لا  كف
يقلي الكافلج وينه ولا  كف
عله إعناده لقودنج  سبيه

إشينفع و أذكر الماضي و لكن
و عسنه الماي ما يجري و  لكن
أدري بالعتب يادي و  لكن
أعاب  يالقمر غصبن  عليه