رحنه ابضعينه هاليوم اجينه

رحنه  ابضعينه
من كربله رحنه  ايتام
و من يدري بينه

هاي الضعينه الجانت ابين  أطياب
لن الدهر خلاها ما بين أجناب
و        أفتر        دهرنه
راحت وجوه الوليان
و  جارت  علينه

هاي اختك اتناديك و اسمع  يحسين
تدري  تقلك جنت يبن أمي  وين
امن  الشام إجيتك
عقبك  يخويه ابيا  حال
و          اميسرينه

حدك  اوياي من اوقعت من  مهرك
حدك  اوياي الخيل داست  صدرك
حرقوا   اخيامك
ما بين نار و دخان
و  امسلبينه

يا  حسين لو مو شايفه ابعيني  اشصار
جن  احنه  مو عايلة بيت  الكرار
آخر              فعلهم
و باليسر حاديهم  صاح
عنكم   مشينه

جرحتنه  الكوفه  أشد من  الشام
الكوفه شجاها و سببت هالآم
اتناست          ربانه
جابتنه يم ابن ازياد
واصل             ليدينه

امن ابدال ما يستنكرون  الحاله
اذبحنه لحسين ابكربله و ارجاله
و  احنه  ابيسرنه
كلها  ابيسرنه  شمات
انسمعك حجينه

إلهم حرم ويانه جو أخدوها
و  هالعايله همَ الذي  ايعرفوها
اشبيدي اعله لخوه
خليتكم   عالتربان
و  رحنه ابسبينه

رحنه  اليزيد الجمع اعلينه  الناس
كل ساع لن بيده يراوينه راس
ابديوانه              صرنه
لا والي عندنه  ايحاجيه
وليه  انولينه

هاليوم   اجينه
للكوفه  و الكتر  الشام
هاليوم   إجينه

و  ابهيبة الوليان جانت  تنهاب
ايباريها  جتال الأخو و  السلاب
هالشكل   صرنه
و  رحنه بشماتت  عدوان
هاليوم   إجينه

خدها  عله اتراب تجري  العين
هاليوم إجيت القبرك و جيتي امن انين
ابقبرك  لقيتك
يا الكلفتني بأطفال
هاليوم   إجينه

حدك اوياي السيف من قص  نحرك
و  من بعد هذا الناس خلها  اتخبرك
داسوا    أيتامك
نتراكض ابها  الوديان
هاليوم   إجينه

ما  جنت  أصدق باليسولف  أخبار
سلبوا نهبوا بالخيم وجوا نار
جابوا               هزلهم
عفناكم  ابغير  أرواح
هاليوم   إجينه

الشام الها ثارات ابعهود  الأصنام
عاشت  اسنين ابيت أبونه و  أيام
اشعملت   اويانه
و الحبل من  السجاد
هاليوم   إجينه

وقفوا يقصفون الروايه اقباله
احرقنه  الخيم  جبنه سبايه  اعياله
محد           نصرنه
و  لا فضل أثر  بالذات
هاليوم   إجينه

و  ابنات حيدر باليسر  عافوها
متحجبه و بخيال ما  شافوها
تسمع  النخوه
موته كهول و  شبان
هاليوم   إجينه

ناس الذي ما عدها ذرة  إحساس
راس  لحسين و راس أخونه العباس
و        بيده         أمرنه
و شما حجه ايرد  اعليه
هاليوم   إجينه