هاي الدار دار أمي وبويه

هاي  الدار دار أمي وبويه….. خالي مچانهم ومچان  أخويه
لارديت  للدار…. وبعيني  شفتها

زينب الكبرى تنادي للوطن عود ضعنه
جيت للدار وشفتها موحشه وخالي  نزلنه
صحت وين أهلي وخوتي گوضو يادار  أهلنه
يادار  اشوفچ مظلمه… بيچ الأحزان  مخيمه
لاسور ظل ولا حمه…. حرم جينه لوطن  جدنه
خليت  أخوتي بالغاضريه….. كلها مجزره بسيوف  أميه
والسبعين  الأنصار….. وبعيني  شفتها

شلون روحه شلون رده للوطن ردت  ضعوني
من طلعنه من المدينه والضياغم  يحرسوني
نصبوا  بالطف  خيمنه والهواشم نزلوني
عگب إخوتي وذيچ الزلم… وذيچ النشامه  والحزم
ما بيّه همه ولا عزم….. عگب أخوتي الفارگوني
بلا  وليان ردت هالضعينه…. بالأحزان طبينه  المدينه
غابت  ذيچ الأنوار….. وبعيني  شفتها

لدارها  طبت وشافت دارها يرهب  وضعها
لا وليف تشكي له همها الدهر بخوتها فجعها
من تصد على اليتامى تشوفها ويجري  دمعها
أطفال  مفجوعه وحرم….. كل وحده مصيوبه  بسهم
والحيل من عدها انهدم…. والها ومحني ضلعها
مصيوبه بيتاماها وچبدها…. المن تشتكي همها  اوجدها
نار وتسعر بنار….. وبعيني شفتها

تكفلت  زينب العيله وهي اللي ترعى  الكفاله
بكربله  من حسين أخوها بيدها سلم  عياله
تصبر العيله بصبرها لو تسكت بچي  اطفاله
چم عين عدها وچم گلب….. ترعى الحرم طول الدرب
لاتطيح وحده من الركب…. گلب بت حيدر  شحاله
لومن  صخر يتفسر گلبها….. نادت والمدامعها  تصبها
بوليان الفلك دار…. وبعيني  شفتها

گاعده  اللي ترد مثلي فاجده اخوتها  وزلمها
تگوم تستقبل ضعنها گومها واولاد عمها
تحترمها وتسليها وتسد خلتها وتلمها
وانه لفيت لمنزلي…. ولگيته من گومي  خلي
لامن  عمام ولا هلي… لليتامى يحضر  يمها
خالي من الزلم ديوان أخوتي….. ماغير الصدى يرد على صوتي
إنصاب  إنصاب ماصاب…. وبعيني  شفتها

لليتامى  لگبر  جدها زينب أخذتهم بديها
والحريم تعدي وياها دموعها تسح على خدها
عالگبر طاحت تنادي وگامت تحشم بجدها
حنت اونت عالگبر…. ودموعها تجري حمر
بحشاها  يتواگد جمر…. ويشب چانون بچبدها
ياجدي دشوف شلون حالي….. ياجدي لفيت بغير  والي
ياجدي  الدهر جار… وبعيوني  شفتها

غدت  تشرح له المصايب للنبي وحدة  وحده
ياجد انواع الشدايد شفنه شده بأثر  شده
ياجد  شفت  حسين أخويه وسهم المثلث بچبده
لمن على الغبره إنصرع…. عامود خيمتنه  وگع
من  ظهره المثلث طلع….. گطع دلاله وتعدى
ياجد  والحجر صوب جبينه…. ياجد والشمر حز  الوتينه
وسحگت جثته الأشرار….. وبعيني  شفتها

ياجد عگب حسين أخويه الخيل غارت  فرهدتنه
ياجد لخيمنه حرگوها گوم سفيان  اولتنه
ياجد  والوليان نومه على الثرى من  يسرتنه
وعليلنه  فوگ  الأرض….. مرمي ونحيل من  المرض
من  علته صوته إنخفض….. والعدا ياجد  سبتنه
محتاره بعلي وبهاليتامه…..والوليان عالغبره نيامه
وعلينه  الفزع  صار…. وبعيني  شفتها

ياجد ريت تشوف عينك من حدى حادي الضعينه
شالوا على الرمح راس حسين حامينه  اولينه
وجثته بلادفن ظلت ياجد بأرض الطف  رهينه
جثة الوالي على الترب…. وراس برمح يبرى الركب
ومن       الچبد      دمعي       يصب….