يابن أمي اليسر فضت أيامه

يابن  أمي اليسر فضت  أيامه
ورديت  بحرمكم واليتامه
وين  أنطي الوجه وين…. من دهري  وزماني

من إجاني المهر خالي صابني وصوب دليلي
يصهل  ينادي الظليمه ومن صهيله إنهدم  حيلي
وسهرت عالحرم عيني ومانمت يحسين ليلي
وعميت عيوني من السهر….. من سمع بأيامي الدهر
حرمه  وتحامي  من الخطر… وعيني تتربه  بچفيلي
ومصاب الچفيل يعز  عليّه
وادري بيه عالشاطي  رميه
ومگطع  الچفين…. من دهري  وزماني

آه  والآه  شيضمد ياجرح بجروح  گلبي
مسهره وارعى اليتامه وعالعليل عيوني  تربي
واصبحت يحسين ولهه وما وچد بعد  دربي
ومن جدموا نوگ الهزل….. شبگوا يتاماك  بحبل
بين  ارمله  وطفله وطفل…… حرت واليرعاني  ربي
جسمي على الهزل ويه  اليسارى
روحي تحوم ظلت بالمعاره
وتضمد  مطاعين…. من دهري  وزماني

والگطع سباح گلبي وسحن من جسمي  المفاصل
زين  العباد من اشوفه يلوج من ثگل  السلاسل
وتحفر الجامعه بجيده وگلبه يتواگد مشاعل
من  يون  تثگل ونتي…. أحّا ياجمرة غربتي
ماتنطفي من دمعتي… والدمع لمصابه هامل
وحرگ مخيمك بالگلب  ناره
ويه الدمع يتجادح  شراره
وذابت شحمة العين…. من دهري  وزماني

هاك  إخذ  من بعض عتبي خوف المعاتب  يضهدك
ولية  الشمات وليه والخبر يحسين  عندك
طبة  الكوفه مردتني مثل سهم المرد  چبدك
بالكوفه  ما تدري شجره….. بعيالك  المتيسره
متشمته  ومستبشره….. وضيعونه وحگ  جدك
ماضنيت هيچ  يضيعونه
وبسهام  الشماته  يصوبونه
من  طلعوا معيدين….. من دهري  وزماني

إنصبت  يحسين بمصايب والأشد والأعظم  عليه
سهم  من  الكوفه صكني أمضه من الغاضريه
توگف  بديوان زينب من سمع ياهل  الحميه
وحملت بالكوفه سگم….. من يولمه يعف الخصم
وشاهدت يابن أمي الظلم… علته بگلبي  خفيه
هاك  إخذ النواي بمن  دموعي
ومثل  ظلوعك تشاهد ظلوعي
محنيه على الدين…. من دهري  وزماني

جروح البگلبي ثجيله وانصبت بالكوفه حربه
وطلعت مصيوبه منها وگطعت للشام دربه
وعالرمح  راسك گبالي شايله المايخاف  ربه
مصبوغ بالدم شيبته… تسبي الفواطم  شوفته
وتثگل  عليلك ونته…. ومحتسب والباري حسبه
سبي الكوفه والشام  ومراره
من  غير الصبر ما شفت  چاره
وتضمد الجرحين…. من دهري  وزماني