زينبُ يا أملي

زينبُ يا أملي …. و شمعةَ الرسلي …. تزهو ببيتِ علي
بضعةُ  حيدر  …. ساقيَ الكوثر

نورين من قلب السمه و يزهن  شمعتين
نور الحسن و الثاني شع من وجه الحسين
مو فرحه وحده المرتضه بقلبه فرحتين
زينب  الشمعه الثالثه شافتها كل  عين
زينبُ تزدهرُ …. زهى لها  القمرُ
و الأنجم الزَهرُ …. بنت الجوهر

بالحسن هادينه ابتشر من شاهد  النور
ميلاد أبو الأكبر قلب للزهره  مسرور

ثالث هديه اتخص علي محفلها  معمور
ما بين زينب و الوصي بدر الوفه  ايدور
زينبُ  مولدُها …. بالحبِ  يرفدُها
حيدرُ  والدُها …. فهو  المصدر

مثل الحسين و فاطمة و ابنفس الآمال
مثل  الرسول اوي الحسن يتشابه  الحال
حب  حيدر الزينب صبح مضرب للأمثال
ميلاد  زينب كل ملك بيه صرح و  قال
زينبُ فاهمةٌ …. بالحقِ عالمةٌ
و الأمُ فاطمةٌ …. أما المحور

نزلت بشاير من لدن عالم الرحمان
يا  الهادي هذي شيعتك للعفه  عنوان
للحره لو رايد اسم يا صاحب  الشان
سميها زينب و الإسم من رب الكوان
زينبُ  خالقها …. كالشمسِ  أشرقها
بالحقِ أنطقها …. فيها  بشّر

بارينه جاعل هالاسم سر امن الأسرار
للوحي بلغ و الوحي بلغ المختار
هادينه  عن  هذا الإسم بلغ  الكرار
حيدر ابهذي الفرحة قصد يم  الأطهار
حيدرُ خّبرها …. بالإسمِ بشّرها
بالسرِ نّورها …. و هو  الأنور

بيت  الوحي  الليله انجعل بالفرحه مرصود
ميلاد زينب بت علي بالبهجه  مشهود
بت حيدر و سر الإسم للخالق  ايعود
أم  الصبر صبر القلب وياها  مولود
اللهُ  شرفها …. بالعلمِ  أتحفها
و  الكل يعرفها …. نورٌ  يزهر