شاعر: راضي الفيصليرادود: السيد علوي أبو غايب
خذاها الرايه من عمه و رفعها ابيمنته القائم
عليها إنشد اش مكتوب منهو بهالخبر عالم
هوه المنتظر بيده كاتب يا گمر هاشم
بإسم العباس ايعليها
يوم الطلعه للموعود يوم البيه نشيل الراس
خصال المهدي من حسين لاجن غيرة العباس
ميزان الوصي حيدر بيده ايعادل المقياس
و الما تتساوه ايساويها
يمته توقف اعله الباب يمته تلزم المسمار
يم تغسل المحراب من دم هامت الكرار
يمته ايدوي الكونين نسمع صوتك الهدار
و اتحل الرايه الملفوفه
يساويها ابعزم حيدر لمن يظهر الموعود
من المجتبه عمه وارث كل خصال الجود
اشما رايد يرد بالثار باجر بالحساب ايعود
و الما صدق باطل دينه
يمته يظهر الموعود يرفع لوه للتوحيد
يمته ابطلعت اهلاله يعلن للموالي العيد
ضايع بينه و الهاليوم جم مروان جم يزيد
بس هوه ابسيفه ايصفيها
مصدر النقل: موقع القصائد الولائية
3مشاهدة