آه يا شوق ألما يبارح دمعي ألي يسيل

آه يا شوق ألما يبارح دمعي ألي  يسيل
آنه عاشق وأليحب احسين  معذور

لا تلومون قلبي أونحيبه
حقها تشتاق روحي  الغريبة
قلبي لو يهوى أويحب ما يعرف أيخون
آنه من أذكر حبيبي أتطيح  الدموع

عذب  الناس  نوحي أو  ونيني
يرهب  الليل  كلما يجيني
العين  من كثر الدموع أتعذر  الماي
آنه  من  كثر العشق بحسين  جنيت

بجى الدموع شوقي أوحناني
ابشاطي  الدموع حبك  رماني
يدري ألي يفارق حبيبه أبنار  الأشواق
طبع  ألي يفارق حبيبي أيعيش  مجروح

مثل النجوم ظل جفني  صاحي
تبدي  الهموم لو طر  صباحي
قلبي  من يذكر حبيب أتهل دمه  العين
بالهوى العذر أسمعت مجنون  العقول

مشتعل مثل النجوم أبهدوة  الليل
يا  جرف  يقدر يجابه لو هوى  السيل

قلبي معذور يبجي ألحبيبه
قصة  الشوق راسك  تشيبه
وآنه  قلبي أمن المهد بحسين  مفتون
يمكن  أبشوف  الحبيب أتطيح العيون

مثل  الطيور صاير  حنيني
ألشوف الأحباب مشبوحة  عيني
آنه  لو يعقوب حاضر يبجي  وياي
آنه  وارث عابس أبدمعات  عيناي

وانته  حاشاك  قلبك  نساني
اوصار  الفراق  دمعة  زماني
وأليحب  أشلون يحمل هذا  الفراق
أشلون لو جان القلب لحسين  مشتاق

ريت  الدموع داوت  جراحي
طير والشوق كسر  جناحي
روحي  ما أدريها جابت هالوفا  امنين
وآنه عدّيت الجنون أبحبي  لحسين