روحي وحياتي إنته

روحي  وحياتي إنته … روحي و حياتي
صومي و صلاتي إنته … صومي و صلاتي
بالدنيه محرابي … يا رابع أحبابي
صومي و صلاتي إنته … صومي و صلاتي

درب الهوه امشيته** و المحفلك جيته** لمن تعنيته** متنور الكيته
و اسمع بدر ليلي** بالحب يغني لي** بنغمة مواويلي** و بصوت  باريته
يا  نغمة  بشفافي **حبك نبع صافي **شفت الفجر غافي** و بحبي  صحيته
و انته الجنت شمسه** للمصطفه نفسه** يا رابع الخمسه** ثالث أهل  بيته
مولد        إمامي       هذا       …       مولد        إمامي
كوكب      غرامي      هذا      …      كوكب     غرامي
أنثر     لك     أهدابي…    يا    رابع     أحبابي
صومي و صلاتي إنته … صومي و صلاتي

من  زغري حبيتك** محرابي سويتك **كل سجده صليتك** و بعيني ضميتك
حبك  ثبت فرضه** لو تقبل و ترضه **بشفافك أتوضه** محرم تعنيتك
إنته  الصفه  و مروه** غيرك فلا أهوه** يارابع الصفوه **بيت الوحي  بيتك
للهادي ريحانه** للباري برهانه **و بهذا قرآنه** يالمجتبه  اقريتك
آية         ولائك         أقره         …        آية        ولائك
صورة      بهائك      أقره     …     صورة      بهائك
من    أفتح    اكتابي…    يا    رابع    أحبابي
صومي و صلاتي إنته … صومي و صلاتي

بكل  آية  أقراها** أوصافك القاها** تسحرني معناها** حكمة خفاياها
سر العرش عندك** بحر الكرم يدك **مثل النبي جدك **سيد الرسل طاها
وارث  نبي الرحمه** جوده و أصل حلمه** بالعليه النجمه **منك  سجاياها
و شقد حسن تحوي** يالجبتهك تضوي** بالعالم العلوي** بارينه أبداها
أوضح      علامه      بيها     …     أوضح      علامه
نور       الإمامه       بيها      …      نور       الإمامه
واضح    و    لا    خابي…   يا   رابع   أحبابي
صومي و صلاتي إنته … صومي و صلاتي

من  ثغرك  اتقطر** و اتفايض الكوثر** و بوجنتك أزهر** ياقوتك  الأحمر
ليك القلب قاصد** يم كعبتك ساجد** عدك أجل والد** أقصد بطل خيبر
قلبي سجد يمك** صاح و هتف بسمك** كل زودك و عزمك** وارثها من حيدر
و بقدرة القادر** نورك صبح زاهر** من وجهك الطاهر** يتفاوح  العنبر
مؤمن  ضميري بيكم … مؤمن  ضميري
و أعرف مصيري بيكم … أعرف  مصيري
من أحسب إحسابي… يا رابع  أحبابي
صومي و صلاتي إنته … صومي و صلاتي

وجهك طفح سحره** و يغازل القمره** مجدك ضمن فخره** من عالم  القدره
مجدك صبع وصفه** ما واحد يعرفه** يا وارث العفه **من أمك  الزهره
بارينه  زكاها** من نوره صفاها** هالمرتبه انطاها** من حكمته و  سره
و  انته  اورثت منها** كلما صدر عنها** يالمجتبه و ظنها** حققته بالمسره
حبك    شهودي    آنه    …   حبك    شهودي
أرخص      وجودي      آنه      …      أرخص      وجودي
كل   أهلي   و   اصحابي…   يا   رابع   أحبابي
صومي و صلاتي إنته … صومي و صلاتي

بيك  اعرفت  ديني** حبك براهيني** هذا انته تدريني **ضميتك  بعيني
يالمجتبه و تدري** احروف الهوه العذري** متوشمه بصدري** من دم شراييني
ميلادك و بدره** هالعالم بأسره** يستقبل البشره** نغمة  تلاحيني
ليلة  سعاده هذي … ليلة  سعاده
أشرف        عباده       هذي       …       أشرف        عباده
بمحبتك      رابي…      يا      رابع      أحبابي
صومي و صلاتي إنته … صومي و صلاتي