شاعر: واثق العيساويرادود: باسم الكربلائي
هالليلة نادينه …و بالفرحة صلينه
لـلـهـادي هـنـينه … للهادي هنينه
آية محمد فاطمة و هالليلة ردد بيها
نزلت على إلسان الوحي صدر النبي يهديها
إقـرأ إسـمها بالفرح و الفرقه داس إعليها
كـل آيه تبدي بفاطمه عطر الفرح ينهيها
و مـن تـنـقـره الآيه…بيها الصبر رايه
مـن وقـفـت إعـلينه… للهادي هنينه
نـور و نزل من السمه بالمهد صار إوياها
أشرق عله الدنيه فرح ظلمه و شمس ضواها
أم الأبـيـهـا إتـلـقبت ثغر النبي سماها
آية محمد فاطمة بس حيدر اليقراها
سـر فـي مـعـانيها…حيدر كفو ليها
سـر و كـبـر بـينه … للهادي هنينه
مـولاتـي لـو نندل إلج مرقد إله إتعنينه
إنطش الورد في حضرتج أرواح إلك طشينه
لـكـن إجـينه إبكل فرح يم إبنج إتعنينه
يم الحسين إبكربلاء يا فاطمة نادينه
ندري إنتي موجوده…جاب الوفه إوروده
و بـالـحـضره طشينه … للهادي هنينه
دنـيانه و إعيون اليحب في مولدج فرحانه
حـتـه الـملايك بالسمه نزلت تهني ويانه
الـورد لـيـلـة مولدج ألوانه غير ألوانه
طـش عطره لجل إمحبتج و إتعطرت دنيانه
و الـحـبـج إيـنادي…يا بضعة الهادي
وفـيـنـه وفـيـنـه … للهادي هنينه
مصدر النقل: موقع القصائد الولائية
2مشاهدة