أبيات أبوذية

عـطـايه  الباري  عالاسلام  منها
وجـود  الـبضعه  و المختار منها
مـصـاديـق  الوفه بالروح  منها
ولائي و حبي للزهراء الزجيه

يـمن  منج إنصاب القلب و العين
إعله مودج قلبي بيه أصبحن والعين
أحـب  اليحب أهل البيت و ألعن
اليضدهم  كل صباح و كل  مسيه

عـلـينه فرض حب فاطم و  قربه
الـمـوده آيـه جت بيها و  قربه
مـوالـي و أشـهد ابحبها و قربه
الـيـحبها إيفوز اببت سيد  البريه

المحب حقه إعله ذكر الزهره  يفراح
ابـمـولـده الحزن و الألم  يفراح
أهـلـن إبـجـيـتـج يـفراح
فـرح آل الـرسـول أفراح  إليه

الـبـاري الفاطمه خصها و  جلها
و روحي إنزاح هالليلة وجلها
و  قـلت لو دنت ساعتها و جلها
تـأمـن  و  الـشفيعه إلها الزجيه