صلي على محمد ابمولد الهادي أحمد

صـلـي  على  محمد… ابمولد الهادي أحمد

صلوا  على  خير الرسل رب الجلاله  أوصانه
يـالـبيه  جبريل إبتشر ويه العرش و  أركانه
يـالـمولده هدم ملك طاغي العصر و إيوانه
و إنـطفت نيران الحقد من نوره شع بسمانه
قـلـبـي الموالي أنشد …صلي على  محمد

بـارينه  كون  هالأرض و بأمره منه إدحاها
و إسهول سواها و جبل و ابحار بيده إجراها
كـون سـماواته سبع و إعله الأرض علاها
مـخصوص لجلك سيدي رب العرش سواها
رضـوان  ناده و أنشد …صلي على  محمد

لـلباري  لمن  أوصلت قوسين فاصل و أدنه
يـا  نبي  خصه إبهالأمر من عرشه يقدر يدنه
مـحـبـوب عنده و المحب ينطيه إشما يتمنه
سـلـمك  يا سيد الرسل مفتاح باب  الجنه
طـيـر الـسعاده غرد …صلي على  محمد

تـمم صلاتك عالنبي إبذكر الصميده و  آله
و  الـلي صلاته ناقصه باجر تشوف  أحواله
مـا  تـعـبر إصراطه أبد إلا بعلي و  إعياله
و  ديـن الـعليه تسدد …صلي على محمد

نـتمسك  إحنه بالنبي ويه الوصي و  أولاده
حب  فاطمه  يوم الحشر بارينه يرضي  إعباده
و الـبـايعك يا با الحسن بالجنه يلقه  إمراده
هالخمسه  أصحاب الكسه الرحمان بيهم  ناده
و الـكـون أزهه ورد …صلي على  محمد