أبيات أبوذيّه في مدح النبي محمد (ص) (متجدد)

يـروحـي  مـثل ما ودج  وديني
ابشوق  الصوب أرض طيبه  وديني
أظـل شـيعي و إبن شيعي  وديني
ديـن الـمـصـطفه سيد  البريه

فـاز الـلـي ابرسول الله  تمسك
عـلـه هـالـحال للآخر تمسك
الـنـار أبـداً فـلا و الله تمسك
طـاعـة الـخـالـق ابطاعة نبيه

النفس خلها اتشوف اليوم  راحات
و تدق راحه ابفرحها عله الراحات
أيـام  الـظـلم و الجور  راحات
ابـمـبـعث  سيد أشراف  البريه

الـبـاري ابـرحـمته الأمه شملها
و عـطـور الـمبعث الليله شملها
اشـوكـت  يا سيدي يلتم  شملها
الأمـه و تـرد يـم حامي الحميه

دلـيـلـي ابفرحة الأحباب  واله
و  راح الـيـوم نجم النحس  واله
يـربـي صـلي عل المختار و آله
انـبـعـث هادينه و الدنيه  زهيه

هـوانـه  الـلـي نوده من نبينه
و سـرنـه الـلي نضمه من  نبينه
تـعـلـمـنه  الشهامه  من  نبينه
نـبـيـنـه  المصطفه  خير البريه

جـفـانـي الجان بالدلال  يارب
و  عـلـيه  النظر ليل انهار  يارب
صـحت  صبرني  عالهجران يارب
ابـجـاه الـمصطفه و بنته الزجيه

الـوكـت  لـو  جار من  فرحنه
و عـله درب الدواهي من  فرحنه
لـجـن  عـطر الموده من فرحنه
يـفـوح  و أمـست الدنيه زهيه

قـلـبـنـه  بالأمل  يلهج  وفانه
صـحـيح القال كل مبدع  وفانه
نـوفـي و بـان لـلـعالم  وفانه
وفـانـه  امـن  النبي سيد  البريه

أهـنـي الـيـوم هالأمه وهادي
رسـول  الله انـولد رحمه وهادي
نـبـيـنـه سـيد العالم  وهادي
صـلـو  اعـلـيه يرباب  الحميه

عـيـدنـه بـربيع و صار  عدنه
و يـوم اسـباتعش من عاد  عدنه
الـفـرح بـثنين صار اليوم عدنه
الـهـادي و فرحة الصادق  سويه

يـمـن أبـديـت للباري  رساله
فـلـك  نوح  النبي بسرك رساله
إلـك أبـعـث يبو الزهره  رساله
عـلـى مـتـن النسيم اليمر بيه

و  حـك  من صام للباري  وصله
أمـل مـكـتوب للهادي  وصله
مـحـمـد أشـرف العالم وصله
و  عـلـيـه الباري خلاق  البريه