يا لاهي إبجاه دم حسين و العباس و إجفوفه

يا  لاهي  إبجاه دم حسين و العباس و  إجفوفه
تسهل  أمر غايبنه يرجع سالم  إنشوفه
ثارات  خل يطلبها…ثارت عد  غايبها

أجيال  أجيال تتأمل يا لاهي و تهمل  المدمع
طالت  غيبة الغايب تسأل يا وكت  يرجع
لو حجبت قمرنا الغيم مهما ينحجب  يطلع
و  إتشوف البشر نوره…و التتمنه  معذوره
دعاء         إقلوب        مكسوره
يا  رب  أنصار أبو السجاد للثارات  ملهوفه

أبد ما يوم ملينه لكن نتنظر نبقه
عاده  الينتظر محبوب يتلهف عله  الملقه
أبداً ما ينام الليل يمهدي الينسلب  حقه
جرح فرقاك عاشرته…صرخات الجرح سكته
و إنقول الوعد  يمته
من يوم الضلع و العين تربي المسجد  الكوفه

من يوم الضلع لليوم نسمع ونة  الزهره
تنادي  يا وكت تتطلع يا يمه و خاطري  إتجبره
يا يمه إمن الكسر لليوم هذا اليوم  أنتظره
يا يمه إجروحي ما تسكن…و المكسور ضلعه إيون
تعال و شاهد المحسن
ما  ظل للسقيفه أسرار كلها اليوم  مكشوفه

أنا الما بطلت وني يبني و تعرف  أحزاني
أسمع محسن العل الباب و بالطف محسن  الثاني
يسأل يا ذنب سويت تعال و حاسب  الجاني
واحد  يوقع إبعصره…واحد ينقطع  نحره
كل منهم إله  جمره
تعال  و  طالب إبثارك أدري الثار متعوفه

عواصف و البحر هايج يمهدي و مال  مركبنه
و  إحنه  إبكل مسه و مصباح نندب وين  غايبنه
تره إشما طالت الغيبه بعد تكثر مصايبنه
جبناها ألم و إهموم…و إنقول الفرج يا  يوم
عليك إبمنحر المظلوم
يبو الغيره و بني هاشم بالكلفات  معروفه

تعال  العمتك زينب تعال و نشف  المدمع
يالمهدي إعله صدر حسين ليش الشمر  يتربع
يشتم  فاطمة  و حيدر قاصد عمتك  تسمع
أسأل ما نفذ صبرك…و دمعة زينب  إتخبرك
نقلك      عظم     الله      أجرك
يمهدي  و شوفتك تدري دوه للعله  موصوفه