شاعر: السيد عبدالخالق المحنّهرادود: باسم الكربلائي
عجل الله فرجك عجل الله عجل الله فرجه عجل الله
حياتي خلصتها بانتظارك ظلام ومنتظر يطلع نهارك
يغايب يا وكت ترجع لدارك بجيت آنا وبجه الثار اعله ثارك
سيفك ينادي إلك عجل الله
يغايب لو تجي وتنظر دمعنه وحقك يكسر الخاطر وضعنه
بدينه لجيتك نشعل شمعنه بجينه اعليك والشامت سمعنه
ياحبيبي شأخرك عجل الله فرجك عجل الله
تجيني يالغبت عن عيني يمته دعاء الندبه أبداً ماتركته
يغايب والصبر وياك أخذته تره النوم بغيابك ماعرفته
عالفراق اشصبرك عجل الله فرجك عجل الله
عذولي لازلت أسمع كلامه يقلي مايجي ويشهر حسامه
دعيت الله ترد لينه بسلامه حسبنه اشجم علامه ويا علامه
ياعلامه اتأملك عجل الله فرجك عجل الله
تجيني ومن تجيني اتشوف حالي جريج وتلجم جروحي الليالي
وحقك ماغبت دوم اعله بالي تعال خل اسولف لك ياغالي
بالحسين اتوسلك عجل الله فرحك عجل الله
مصدر النقل: موقع القصائد الولائية
1مشاهدة