يعمي حسين ما يخفه ونيني

يعمي  حسين ما يخفه  ونيني
لبويه إبهالمسه زايد حنيني
وسط  صدري عبرتي…فلا تخمد  جمرتي
حسينا واحسيناً و  احسيناه

أبويه  و  شوفته صارت  بعيده
يعمي  و  آنه من دونه  وحيده
أبوج  آنه  تقلي يا  حميده
كفو منك يعمي…ذخر قلب  لهمي
حسينا واحسيناً و  احسيناه

إذا أنا اتيتمت قلي  يعمي
نزف جفن الدمع و جروحي  تدمي
يمر إببالي أبويه و جنه يمي
يمر  طيفه إعله بالي…حزن يرسم  خيالي
حسينا واحسيناً و  احسيناه

يعمي  و حيلي بالفرقه  تهدم
و قبل وكته العمر مني  تيتم
إعله  شوفت  والدي جفني تعلم
تظل مشتاقه روحي…يساير قلبي نوحي
حسينا واحسيناً و  احسيناه

عليّ هذا الحزن خيّم ظلامه
لون يرجع أبويه بالسلامه
تطير  إروحيتي مثل  الحمامه
على  دربه  تباصر…إذا يرجع لي  باجر
حسينا واحسيناً و  احسيناه