ناس الغذروا عمك حيدر

ناس  الغذروا عمك حيدر …. ما ظن  تتغير
أهل الخير و أصحاب الشر …. بكل عصر تظهر
و  الغذروا الطيبين …. عالغذر متعلمين …. ما ظن  تتغير

اسأل  يا مسلم حيدره الأحداث الك يرويها …. عاشرها و يعرف العلل من يا صنف  يدريها
بالسيف  جان  و حكمته حامي الحمه ايمشيها …. خانت عهود اويه الوصي و جان الوصي واليها
بالمحراب        اشسوت        اسمع       ….       غدرت        الأنزع
تتأمل    و    تطمع    ….    بالقسم    ترجع
معروفه  من صفين …. عالغذر متعلمين …. ما ظن  تتغير

عمك يخبرك بالجره ايفصل الك حالتها …. و عالخير أبد ما تجتمع علشر تلم وحدتها
ما  عدها غايه و لا هدف دوم الطمع غايتها …. و ما رفرفرف بجمع الشمل للتفرقه  رايتها
لا تظن الباطل يتغير …. الساعة المحشر
إنته  التربح و هي التخسر …. و العدل  يظهر
ماوفوا الهلدين…. عالغذر متعلمين …. ما ظن  تتغير

يا  مهو المثل عدل الوصي و ما أنصفت وي حكمه …. تظهر له بسمات الجذب و سن لحقاد اتضمه
ليش المثل حيدر علي الأحسن اوياها اتظلمه …. يا مسلم أشكال و ملل ما تنعرف هالأمه
ما تشفه و تطهر تدريها …. هامرض  بيها
الأمه التغذر واليها …. اشتعتب  اعليها
و امضيعه المشيتين…. عالغذر متعلمين …. ما ظن تتغير

و مُر إعله مأسات الحسن و انظر الصبر العنده …. خلته ايعيش بهالمحن شبل الزجيه  الوحده
طالت اجفوف الغادره و قطعت بالسم جبده …. و انته أعرف و تدري الخبر بيا سبط غذرت جعده
و  انعادت  مأسات  الغذره  ….  مهجة  الزهره
ما      عرفت      تقدير      اتقدره      ….      ثاني       العتره
اتخالف من بعده احسين …. عالغذر متعلمين …. ما ظن تتغير

و  اليوم  الك دورك وصل يا مسلم و حل أمرك …. ظليت انته و همتك يبن الأطياب و صبرك
الغذرت  علي  و ابنه الحسن لازم اليوم اتغدرك …. و يرعبهم الدم و الحتف حارب القوم بنحرك
عن الواقع عندك فكره …. عينك  اتنظره
بسمك  تبدي الثوره الكبره …. ساحتك  خطره
بوقفتك متحيرين …. عالغذر متعلمين …. ما ظن تتغير

قسمت  لك و انطت عهد لجن عهدها ساعات …. أهواء و أطماع و رعب و أصل الكلام  الغايات
يا  مسلم  انطيهم درس عن الوفه و حسن الذات …. و المات بالعز و الفخر صدقني حي لا ما مات
خل تشهد يومك خليها …. وانته  راعيها
النامت عالذل شصحيها …. الدم  يوعيها
عالحقد صار اسنين …. عالغذر متعلمين …. ما ظن تتغير

و الخير أهله اتميزت و أصواتهم مسموعه …. مثل ابن عروه و موقفه و موقف شريف الطوعه
و  الشر اله أتباع و أهل وأهل الشرف متبوعه …. لجن الياهو العاقبه و يا صرخة  المسموعه
بيمن     صاح    الكون    وجدد    ….    بالفخر     ردد
اينادي بموقف عترة أحمد …. و الخلق تشهد
يا مسلم بكل حين …. عالغذر متعلمين …. ما ظن  تتغير