برهان السفارة

برهان  السفاره…. دستور  الإماره
مسلم همته وعزمه…. للدين ولإبن عمه
برهان السفاره

هاك تصوّر الكوفه او وصفها….. وتبصّر  بياني
شوف  الدمر بسيفه وتلفها…. وشاهد  هالمعاني
ارواح الزلم منهو اللي خطفها….. والما إله ثاني
صنديد الحرايب….. وانشبها النوايب
ليث  الدرع ما يضمه….. للدين ولإبن  عمه
برهان السفاره

إستارث من علي روح الكرامه….. ودستور  المروّه
فرع  من لب الأصل تاه بنظامه…. ومنهاج  الأخوه
حيدر  وبأحد  شدة حسامه….. أنشبها  الفتوه
تدري  بالضياغم….  وبيوم  الملازم
تنزل  عالشرك نقمه…. للدين ولإبن  عمه
برهان السفاره

فرعون  الشرك صدر بيانه….. من گصر  الإماره
نعلن حرب ويه أهل الديانه…… مرسومه وقراره
مسلم  يشبه  موسى لكيانه…. إيمانه  ومداره
موسى  بحرب فرعون…. ومسلم ساعة  الكون
وگلبه  من الصخر صمه…. للدين ولإبن  عمه
برهان السفاره

عن أهل الوفه هاك إخذ نظره….. وبيوم الحرايب
حيدر  والنبي  وافاه بأمره….. ماهاب  النوايب
مسلم  همته  لمهجتة الزهره…… صابر عالمصايب
هذا  الأمر …. بيه لازم  وملزوم
وشوف  المايعز دمه…..للدين ولإبن  عمه
برهان السفاره

إنشد الكوفه والدهر والأبطال….. ياهو النزل هاها
وياهو بالحرب گطع الآجال.. وبسيفه  علاها
هذا  بالوغه لا تظن (….) … من گبر  نداهها
هذا  البيه علايم…. صل من ظهر هاشم
يطش الحرب ويلمه… للدين ولإبن عمه
برهان السفاره