يا ساكنين المدينه للبقيع إعتنينه

يا ساكنين المدينه…للبقيع إعتنينه
دورنه  بس ما لقينه…وينه قبر الحزينه
يا زهراء مظلومه …يا زهراء  مظلومه

أمنه ماتت بعد كسر الضلع…و غسّل الزهره حيدر بالدمع
للوديعه دفنها إبيا وضع…و من دفنها طفه كل  الشمع
هالليلة حماي الحمه… همل كل إدموعه
ون إعله فرقة فاطمة …ونه ما  مسموعه
فقد  سلوة  روحه…و عاش ويه  إجروحه
فقد دمعة نوحه…عالقبر مطبوعه
هذا  القبر  بيه علامه خالده من علينه
دورنه بس ما لقينه… وينه قبر الحزينه

حيدر  إعتمد إيضيع القبر…هالقبر أمره يم راعي الأمر
صحنه يمته يسلطان العصر…مرقد الزهره بيدك  ينعمر
مرقد الزهره أم الحسن …يختلف عن غيره
محسنها وياها إندفن …و المصيبه إجبيره
محسن إيريد أمه…هيه كون إتشمه
علي إدفنها يمه…ما تركها إبحيره
حيرتنه ذبحة أملنه… كل شي ما طح  بيدينه
دورنه بس ما لقينه… وينه قبر الحزينه

علي إبيا صوب دفنها الفاطمه …هالقبر بالأرض لو بالسمه
إيكون نسأل علي حامي الحمه…لو سإلناه أكيد  إنألمه
يبن الحسن جدك علي إبيا قبر  خلاها
هالمحنه يمته تنجلي دهر عشنه إوياها
هالقبر بجانه…منعرف عنوانه
و  الدهر خلانه…عن بعد  ننعاها
ردنه إبدمعنه …إنقلها يالشفيعه  إجينه
دورنه بس ما لقينه… وينه قبر الحزينه

بالبقيع  القبور  الأربعه …هدموها و رمونه  إبفاجعه
ضاقت إعلينه كل الواسعه…و بقت عين الموالي  دامعه
إقلوب العده مستبشره شيعتك  مهمومه
إتندبك  رقيه  الطاهره و زينب  المظلومه
بالخطر  عماتك…ما إجت  راياتك
ننتظر ثاراتك…و المهج مالومه
يالمهدي  صعبه المصيبه… و إحنه بيك إنتخينه
دورنه بس ما لقينه… وينه قبر الحزينه

زينب  إنصابت اليوم بألم …إتوجهت للقمر حامي  الحرم
إتقله وينك يشيال العلم…يم رقيه العده رشقت  سهم
يالمهدي زينب تنتظر سيدي  شمتاني
لو ما تجي ما تندحر راية السفياني
رايته منشوره…و الظلم عم  جوره
يمته تختم دوره…اليمته تبقه  إتعاني
يالمهدي عجل ظهورك يا أملنه إنولينه
دورنه بس ما لقينه… وينه قبر الحزينه