يا علي إببابك دم و فجيعه

يا علي إببابك دم و فجيعه…يا علي إقبالك وجه  الوديعه
من إتضم ضلعها…إيخبرك دمعها…يا علي يا علي

هذي  فاطمة يا حيدر البضعه…و بذمة فقارك يا علي إمودعه
إذا أخفت صدرها عنك و ضلعه…جفنها إيخبرك اللي ما نشف دمعه
إمراية محمد يا علي البضعه…ووجه المرايه بيه أثر  صفعه
يا جف صفعها…إيخبرك دمعها…يا علي يا  علي

يحيدر هم تخاف إعليك تتألم …جرحها ساكت و ما دمه يتكلم
أثر  جف إبوجها و هذا ما ينضم…و على مسمار بابك بعده ذاك  الدم
و الحطب بعده إببابك يحيدر…شوف إعله بابك يا هو  التجسر
يا هو الدفعها…إيخبرك دمعها…يا علي يا علي

يحيدر  ما نقول إنت جنت بالدار…من صارت وره الباب إبصدرها  إشصار
محد ساعد البضعه يحامي الجار…إبجفها اليرتعش من جرت المسمار
إبباب المصيبه ينزف صدرها…و خضبوا بالدم زهرة عمرها
إبهذا وضعها…إيخبرك دمعها…يا علي يا  علي

يحيدر لو جنت يم فاطمة موجود…عله إمتون الضوه إتشوف السياط السود
و جا للمحسن إتشوفه إنولد مفقود…بالتابوت هذا أول طفل  مولود
عالعتبه محسن قمطه دمه…و خضبوا عمره من صدر أمه
لأمه فجعها…إيخبرك دمعها…يا علي يا علي

وديعه و لا خدرها فاطمة ينهاب…تبت إيده ذاك اللي جسر  عالباب
بالمسمار قرآن الصدر ينصاب…و بالدم خضبوها نجمة  المحراب
عنك يحيدر أخفت متنها…و المتن أسود يشبه حزنها
يا هو الفزعها…إيخبرك دمعها…يا علي يا علي

يحيدر فاطمة ما رادت إتخبرك…خافت ينغصب مثل الفدك  عمرك
جا ما ألمك يا با الحسن صدرك…من كسروا ضلعها ما زهق  صبرك
غضت  صدرها  إبثوب الوصيه…صفرت وجهها إبلون  المنيه
إتصبر جزعها…إيخبرك دمعها…يا علي يا علي

بفراش الصبر رادت جرحها إينام…يا جانب عليه إتنيم  الآلام
مظلومه  الوديعه إتفارق الأيام…راح إتعيف لك دم و دمع و  أيتام
يا  علي إعليها ينزف حنانك…من شفت قطعوا زهرة  زمانك
يا هو القطعها…إيخبرك دمعها…يا علي يا علي